Міністр замежных спраў Расіі Сяргей Лаўроў лічыць, што да апошніх падзеяў у Беларусі можна «ставіцца па-філасофску» і ўспрымаць тое, што адбываецца як «нязменнасць курсу беларускага народа на саюз з Расіяй». Ён таксама заявіў, што "задаволены вызваленнем у Мінску расійскіх грамадзян", нягледзячы на тое, што двое з іх застаюцца пад арыштам.
«Вынікі прэзідэнцкіх выбараў у Беларусі, як і сама кампанія, а таксама агітацыя напярэдадні выбараў, адназначна паказалі, што курс беларускага народа на саюз з Расіяй застаецца нязменным», — цытуе расійская газета «Взгляд» інтэрв’ю кіраўніка расійскага МЗС тэлеканалу «Расія 24».
Выданне таксама прыводзіць адказ Сяргея Лаўрова на пытанне аб тым, якімі з’яўляюцца адносіны Расіі і Беларусі на канец 2010 года.
«Вынікі года я б ацэньваў па тых дамоўленасцях, пад якімі падпісаліся і Расія, і Беларусь адносна стварэння Адзінай эканамічнай прасторы і руху да Еўразійскага саюза. Так, былі выбухі эмоцый, мы да гэтага ставімся па-філасофску», — адзначыў ён.
Па словах Сяргея Лаўрова, «без іх (эмоцый) праблемы, канкрэтныя пытанні, сутнасныя пытанні будуць вырашацца значна хутчэй».
Лаўроў: Расія задаволена вызваленнем сваіх грамадзян у Беларусі
«Мы таксама задаволены, што, дзякуючы нашым намаганням, удалося вырашыць праблему з вызваленнем расійскіх грамадзян, якія былі затрыманыя ўвечары ў дзень галасавання», — сказаў міністр.
Аднак, як раней перадаваў Тэлеграф, 30 снежня міністэрства ўнутраных спраў Беларусі аб’явіла, што двое расійскіх грамадзян, якія правялі 10 сутак пад арыштам пасля ўдзелу ў дэманстрацыях 19 снежня ў Мінску, былі вызваленыя 29 снежня, аднак пазней паўторна затрыманыя. Ім прад’явілі абвінавачанне па артыкуле аб масавых беспарадках, якая мае на ўвазе пакаранне да 15 гадоў пазбаўлення волі. Па дадзенай справе праходзяць таксама 20 грамадзян Беларусі.
Нагадаем, што Расія — адзіная з еўрапейскіх краін і краін-суседзяў Беларусі, якая прызнала легітымнасьць перамогі Аляксандра Лукашэнкі на прэзідэнцкіх выбарах.
