Сакратар Цэнтравыбаркаму Мікалай Лазавік, адказваючы на пытанне, чаму некаторыя з агітацыйных шчытоў дагэтуль застаюцца пустымі ці запоўненыя агітацыйнымі матэрыяламі толькі аднаго кандыдата, выказаў здагадку, што ў гэтым можа быць «прагматычны разлік» саміх кандыдатаў. "Некаторыя кандыдаты ў дэпутаты не спяшаюцца выкарыстоўваць аддрукаваныя ўлёткі, таму што да выбараў яшчэ далёка", — сказаў ён.
Каментуючы ход агітацыйнай кампаніі ў Беларусі, Мікалай Лазавік заявіў, што «выратаванне тапельцаў — справа рук саміх тапельцаў». Па словах сакратара ЦВК, кандыдат павінен усведамляць, што агітаваць за сябе павінен у першую чаргу сам кандыдат і яго група падтрымкі.
«З боку дзяржавы і заканадаўства для гэтага прадстаўленыя ўсе магчымасці: вылучаныя месцы для правядзення сустрэч з выбарнікамі і правядзенні сходаў па-за памяшканнямі, нададзены радыёэфір і сродкі для выдання ўлётак, усталяваныя інфармацыйныя шчыты для іх размяшчэння», — цытуе БелТА словы прадстаўніка Цэнтравыбаркаму.
Тое, што кандыдаты не спяшаюцца выкарыстоўваць аддрукаваныя ўлёткі, кажа пра тое, што яны «не жадаюць растраціць іх да пачатку галасавання і імкнуцца пакінуць за сабой апошняе слова», лічыць Мікалай Лазавік. «Можа, кандыдат жадае размяшчаць сваю ўлётку бліжэй да даты выбараў, каб менавіта яе ўбачылі выбарнікі па дарозе на выбарчы ўчастак», — растлумачыў сакратар ЦВК.
Аднак, па словах Мікалая Лазавіка, калі падчас агітацыйнай кампаніі хтосьці з кандыдатаў усё ж не выявіць належнай актыўнасці ці не здолее данесці інфармацыю пра сябе да ўсіх, дык выбарнікі змогуць даведацца пра яго непасрэдна на ўчастку для галасавання. «Выбарчыя камісіі абавязаны зрабіць агульныя плакаты з інфармацыяй аб усіх кандыдатах па дадзенай выбарчай акрузе і размяясціць іх на ўчастку, так што ў выбаршчыкаў будзе досыць інфармацыі, каб зрабіць усвядомлены выбар», — сказаў прадстаўнік Цэнтравыбаркаму.
Лазавік: выбары праходзяць спакойна і без парушэнняў
Закранаючы тэму скарг на дзеянні выбаркамаў і ўлад, у прыватнасці, пра сітуацыю вакол сайта Магілёўскага аблвыканкама, дзе ў інфармацыі пра сфармаваную тэрытарыяльную выбарчую камісію была няслушна паказана дата, Мікалай Лазавік заявіў, што «з прычыны простай тэхнічнай памылкі аператара раздулі праблему на ўвесь свет, аж да таго, што выбары трэба адмяняць, бо і галасы ўжо загадзя падлічаны».
«Калі цяпер апазіцыянеры рэкламуюць гэты факт, як самае скандальнае здарэнне на выбарах, дык можна лічыць, што выбары праходзяць спакойна, без адмысловых парушэнняў», — рэзюмаваў сакратар Цэнтравыбаркаму.
