Прэзідэнт Кыргызстана Курманбек Бакіеў знаходзіцца ў Мінску, яго перапраўку арганізавалі "адпаведныя службы" Беларусі. Пра гэта ў аўторак, 20 красавіка, заявіў кіраўнік беларускай дзяржавы Аляксандр Лукашэнка, выступаючы з пасланнем да народа і парламенту.
«Прэзідэнт Кыргызстана Курманбек Бакіеў са сваёй сям’ёй знаходзіцца ў Мінску пад абаронай нашай дзяржавы і асабіста маёй, — сказаў ён. — Уначы ў панядзелак я даручыў сваім адпаведным службам арганізаваць перапраўку Бакіева ў Мінск».
Хто менавіта з сям’і экс-прэзідэнта знаходзіцца ў Беларусі, Лукашэнка не ўдакладніў. Як ужо паведамлялася, раней у Кыргызстане супраць брата і сыноў Бакіева былі ўзбуджаны крымінальныя справы. А кіраўнік часовага ўрада краіны Роза Атумбаева заявіла, што сам пазбаўлены ўлады прэзідэнт паўстане перад судом.
Пасля ад’езду Бакіева 16 красавіка ў Казахстан, калі апазіцыя прыйшла да ўлады, яго месцазнаходжання было невядома. Некаторыя СМІ паведамлялі, што экс-прэзідэнт уцёк у Беларусь, аднак гэтая інфармацыя не атрымлівала афіцыйнага пацверджання, перадае Корреспондент.net.
«У цяперашні час я даручыў стварыць медыцынскую камісію і абследаваць яго стан здароўя і стан здароўя членаў яго сям’і», — паведаміў 20 красавіка Аляксандр Лукашэнка.
Беларускі лідар таксама распавёў, што даручыў арганізаваць гуманітарную дапамогу кіргізскаму народу: «Я даручыў, каб прадукты харчавання, а таксама ўсё неабходнае было адпраўлена ў Кыргызстан. Там галеча страшэнная».
