Прэзідэнт Беларусі Аляксандр Лукашэнка ўпэўнены, што Беларусь здолее пераадолець крызісныя з'явы ў эканоміцы. Пра гэта Аляксандр Лукашэнка заявіў 25 траўня на сустрэчы з прафесарска-выкладчыцкім складам і студэнтамі Еўразійскай нацыянальнага ўніверсітэта ім. Л. М. Гумілёва.
«Апошнім часам нам крычаць: вось, у вас там праблемы. Нас жа накрыла другая хваля крызісу. Ізноў падаражэлі рэсурсы фактычна ў два разы, якіх у нас няма. І ў нас адразу ад рэальнага сектару не атрымаеш таго аб’ёму валюты, наколькі вырас сыравінны рынак. Вельмі складана і цяжка знайсці адразу вялікая колькасць валюты, каб расплаціцца за ўсё гэта», — цытуе кіраўніка дзяржавы БелТА.
«Так, у нас павялічыўся экспарт, але столькі валюты мы знайсці не можам. Таму зноў паўсталі складанасці. І пытанне палягае ў тым, як выкруціцца з гэтай сітуацыі. Выкруціцца. Калі ёсць жаданне, выйдзем з гэтай сітуацыі», — заявіў Аляксандр Лукашэнка.
Кіраўнік дзяржавы таксама пракаментаваў тэлевізійныя сюжэты, якія былі паказаны ў выпусках навін расійскіх тэлеканалаў у апошнія дні аб эканамічнай сітуацыі ў Беларусі. «Лукашэнка прадасць прадпрыемствы, ім трэба столькі, ім трэба гэта, — ствараюць ажыятаж вакол нашай краіны. Ясна, жадаючы, напэўна, там пажывіцца самі перш за ўсё. У такой сітуацыі мы самі выйдзем з гэтага становішча. Але мы проста так нікому нічога кідаць не будзем», — заявіў прэзідэнт Беларусі.
Каментуючы сітуацыю з валютай, Аляксандр Лукашэнка адзначыў: «Мы спынілі прадаваць валюту з золатавалютных рэзерваў, а той курс, які ўсталюецца, той і будзе. Мы яго ўчора вызначылі на ўзроўні 5 тыс. за даляр. Няхай адбылася дэвальвацыя нацыянальнай валюты, нічога. Трэба, галоўнае, распарадзіцца гэтым, як мае быць, — для экспартаарыентаванай эканомікі гэта вельмі важна».
Акрамя таго, па словах Аляксандра Лукашэнкі, ён не супраць прыватнай уласнасці, але прыватызацыя не павінна быць абвальнай. «Усе хочуць танней купіць, а лепш — за бесцань, — заявіў кіраўнік дзяржавы. — Мы і цяпер не супраць прыватнай уласнасці і падтрымліваем яе, але менавіта тых, хто стварае яе сам. Тая прыватная ўласнасць, якая заснавана на прыватызацыі і дасталася часам за бесцань, яна не шануецца».
Пры гэтым Аляксандр Лукашэнка дадаў, што «спяшацца знішчаць дзяржпрадпрыемствы ні ў якім разе нельга, тым больш калі яны рэнтабельна працуюць».
