Прэзідэнт Беларусі Аляксандр Лукашэнка 29 красавіка падпісаў указ № 176 "Аб дзяржаўнай падтрымцы пенсіянераў". Згодна з указам, пенсіянеры па ўзросце атрымалі права на штогадовую 50%-ную скідку на перыяд з 1 траўня па 30 верасня з кошту праезду на чыгуначным, водным і аўтамабільным пасажырскім транспарце агульнага карыстання рэгулярных прыгарадных зносін (акрамя таксі).
Як паведамілі ў Адміністрацыі кіраўніка дзяржавы, для атрымання зніжкі грамадзянам неабходна будзе прад’явіць пенсійныя пасведчанні, перадае БелТА.
Як раней паведамляў Тэлеграф, у Беларусі сярэдні памер пенсій, назначаных органамі па працы, занятасці і сацыяльнай абароне, у сакавіку гэтага года склаў 586,5 тыс. рублёў (або каля 192,4 даляраў). Гэта ў 2,2 раза перавышае бюджэт пражытачнага мінімуму для пенсіянераў (у адпаведнасці з пастановай Савета міністраў БПМ для пенсіянераў у цэнах снежня 2010 года ў разліку на адзін месяц з 1 лютага па 30 красавіка складае 262,2 тыс.
