Прэзідэнт Беларусі Аляксандр Лукашэнка ўнёс некаторыя змены і дапаўненні ў працэс распараджэння дзяржаўнай маёмасцю. Адпаведны ўказ № 367 кіраўнік дзяржавы падпісаў 19 ліпеня гэтага года.
У адпаведнасці з дадзеным дакументам удасканальваецца парадак прыняцця рашэнняў аб перадачы ў арэнду (узгадненні перадачы ў субарэнду), у бязвыплатнае карыстанне дзяржмаёмасці, непасрэдна замацаванай за рэспубліканскімі органамі дзяржкіравання і іншымі дзяржарганізацыям, падпарадкаванымі ўраду, дзяржаўнымі органамі і арганізацыямі, падпарадкаванымі прэзідэнту Беларусі, адміністрацыямі свабодных эканамічных зонаў, распавялі ў Адміністрацыі беларускага лідара.
Пры продажы будынкаў, збудаванняў, памяшканняў, незавершаных будынкаў, кошт якіх перавышае дзесяць тысяч базавых велічыняў, прадугледжана растэрміноўка на тэрмін не большы за адзін год з дня заключэння дамовы куплі-продажу са штомесячнай індэксацыяй плацяжоў.
Пры гэтым права ўласнасці на маёмасць пры аплаце яе ў растэрміноўку пераходзіць да пакупніка з моманту перадачы яму незавершанага незакансерваванага капітальнага будынка пасля дзяржрэгістрацыі права ўласнасці на яго.
З моманту ўзнікнення права ўласнасці у пакупніка і да поўнага выканання ім абавязкаў па аплаце маёмасці, прададзенай з растэрміноўкай аплаты, гэтая маёмасць знаходзіцца ў закладзе ў прадаўца для забеспячэння выканання пакупніком абавязку па аплаце яе кошту, растлумачылі ў Адміністрацыі прэзідэнта.
Распараджацца дзяржаўнай маёмасцю, кошт якой не перавышае 5000 базавых велічыняў, будзе Дзяржаўны камітэт па маёмасці. Гэта дазволіць больш аператыўна прымаць рашэнні па адчужэнні некарыстанай дзяржавай маёмасці.