Прэзідэнт Беларусі Аляксандр Лукашэнка выказаў сумненні ў мэтазгоднасці шэрагу прапанаваных зменаў у правілы дарожнага руху. Разглядаючы адпаведны праект указу, кіраўнік дзяржавы заявіў, што міністэрства ўнутраных спраў Беларусі "занадта перашчыравала" ў змяненні ПДР.
«Калі мне ў чарговы раз паступіў праект указу па карэкціроўцы правілаў дарожнага руху, прачытаўшы яго, я зразумеў, што міністэрства ўнутраных спраў або нехта яшчэ датычны да гэтых зменаў не тое што цягнуць коўдру на сябе, але занадта перашчыравалі», — заявіў Аляксандр Лукашэнка.
Па словах кіраўніка дзяржавы, пытанні забеспячэння бяспекі дарожнага руху непасрэдна тычацца правоў і законных інтарэсаў практычна ўсіх жыхароў краіны. У сувязі з важнасцю гэтых пытанняў яшчэ ў 2005 годзе было прынята рашэнне аб зацвярджэнні ПДР на ўзроўні прэзідэнта, перадае БелТА.
«Чаму гэта было зроблена? Тады было сказана, што правілы дарожнага руху — сур’ёзная рэч, карэктаваць іх няхай такому сур’ёзнаму ведамству, як МУС, ці каму яшчэ, нельга. І па сканчэнні пяці гадоў я пераконваюся, што гэта рашэнне было правільным», — заявіў Аляксандр Лукашэнка.
«У мяне ёсць сумневы: ці ўсе прапанаваныя змены ПДР адпавядаюць грамадскім інтарэсам? Наколькі яны з’яўляюцца своечасовымі, і ці не будзе аб’ектыўных цяжкасцяў пры іх прымяненні?» — адзначыў прэзідэнт Беларусі.
Лукашэнка: ПДР не могуць змяняцца так часта
Кіраўнік дзяржавы лічыць, што правілы дарожнага руху не могуць змяняцца так часта, як гэта прапаноўваецца. «Значыць, або вы не дапрацоўвае, не бачыце, што будзе заўтра-паслязаўтра, не можаце прадбачыць гэтага і пачынаеце карэктаваць гэтыя Правілы ледзь не кожны год, ці ў нас сапраўды такая ахавая сітуацыя, што трэба, да прыкладу, хуткасць дзесьці ў населеным пункце ў цёмны час сутак абмежаваць да 50 кіламетраў на гадзіну замест 60 кіламетраў на гадзіну. Як быццам гэта вялікая розніца, і гэта нешта памяняе», — сказаў Аляксандр Лукашэнка.
Акрамя таго, прэзідэнта насцярожылі змены, датычныя больш шырокага выкарыстання флікераў. «Ведаеце, мяне гэта насцярожваць пачынае, як быццам нейкая фірма ўжо сёння гатовая зрабіць гэтыя святлоадбівальныя элементы, і мы кожнаму каню на хвост іх павесім і такім чынам створым дабрабыт гэтай фірме», — заявіў беларускі лідар.
Названыя нормы ў адпаведнасці з заўвагамі прэзідэнта беларускі ўрад выключыў з апошняга варыянту праекту ўказа, паведаміў Аляксандр Лукашэнка. «Але я хацеў бы вярнуцца да разгляду гэтых пытанняў, узважыць усе «за» і «супраць», — падкрэсліў кіраўнік дзяржавы.
