Прэзідэнт Беларусі Аляксандр Лукашэнка ў час цырымоніі ўручэння даверчых грамат пасламі шэрагу замежных дзяржаў адзначыў, што "супрацоўніцтва на новых рынках мы развіваем не ў шкоду сувязям з бліжэйшымі суседзямі". "Хоць павінен прызнаць, не заўсёды яны атрымліваюцца роўнымі і стабільным. Нярэдка іх азмрочваюць негатыўныя стэрэатыпы і палітычныя інтрыгі", — заявіў кіраўнік дзяржавы.
«Беларусь паслядоўна выступае за прынцыпы справядлівасці і раўнапраўнай уцягнутасці ўсіх дзяржаў у прыняцце ключавых рашэнняў міжнароднага парадку дня і ўлік іх інтарэсаў. Мы імкнемся выбудоўваць з кожнай з дзяржаў добрыя і давяральныя адносіны, але не прымаем дыскрымінацыі па любых матывах і палітыкі «падвойных стандартаў»», — цытуе прэс-служба прэзідэнта яго словы.
Аляксандр Лукашэнка падкрэсліў, што лічыць вызначальнымі для міжнароднага жыцця такія паняцці, як гуманізм, талерантнасць, дружалюбнасць, узаемапавага і сумленнасць. «Асаблівую каштоўнасць гэтыя прынцыпы ўзаемаадносін набываюць на сучасным этапе, калі новыя выклікі і пагрозы дэстабілізуюць сітуацыю ў розных частках планеты і патрабуюць асаблівай увагі сусветнай супольнасці», — заявіў ён, перадае БелТА.
Лукашэнка параіў амбасадару Польшчы «не губляць час у Беларусі»
Паводле слоў прэзідэнта, адной з ключавых мэтаў беларускай знешняй палітыкі з’яўляецца аднаўленне парытэтнага і паважлівага ўзаемадзеяння з Польшчай. Аб гэтым ён заявіў, прымаючы даверчыя граматы надзвычайнага і паўнамоцнага пасла гэтай краіны ў Беларусі Лешака Шарэпкі.
«Адзінае, папрасіў бы вас, каб мы не страцілі гэты ваша час, калі вы будзеце ў Беларусі. Усе палітыкі ў Польшчы добра ведаюць Беларусь, разумеюць працэсы, якія адбываюцца ў Беларусі. Я хацеў бы, каб вы як аўтарытэтны чалавек сказалі сваё добрае слова і паклалі на шалі вагаў добрага супрацоўніцтва паміж намі і родным нам польскім народам. Гэта вельмі важна», — адзначыў Аляксандр Лукашэнка.
«Мы адбыліся як суверэнная незалежная дзяржава, і гэты суверэнітэт і незалежнасць мы будзем абараняць, чаго б нам гэта ні каштавала. Нават калі мы застанемся ў адзіночку (але, як вы разумееце, у гэтым глабальным свеце ў адзіночку ніхто не застанецца), будзем змагацца за гэты суверэнітэт і незалежнасць. І калі ў Польшчы і ў іншых краінах будуць разумець гэта галоўнае, што з’яўляецца для нас, мы заўсёды выбудуем адносіны па другарадных пытаннях. Мы заўсёды зможам сысці ад таго наноснага, што сёння існуе», — упэўнены прэзідэнт.
Ён таксама падкрэсліў, што не мае намеру сябраваць з кім-небудзь супраць каго-небудзь. «У нас ёсць Богам дадзеная зямля, і мы будзем жыць на гэтай зямлі», — сказаў беларускі лідар.
Лукашэнка: прыярытэтная задача для Беларусі наладжванне адносін з Маўрытаніяй
Аляксандр Лукашэнка падкрэсліў, што з Палестынай Беларусь падтрымлівае традыцыйна дружалюбныя адносіны, якія характарызуюцца высокім даверам, ўзаемаразуменнем і шчырым сяброўствам. Улады таксама гатовыя зрабіць якасны рывок у развіцці эканамічнага супрацоўніцтва з Ганай і Кеніяй, якія з’яўляюцца перспектыўнымі партнёрамі ва ўсіх сферах узаемаадносін. Беларусь гатовая. Наладжванне ж цеснага эканамічнага ўзаемадзеяння з Маўрытаніяй наогул з’яўляецца прыярытэтнай задачай для Беларусі на бліжэйшую перспектыву, адзначыў кіраўнік беларускай дзяржавы.
Беларусь таксама мае намер рэалізоўваць сумесныя з ПАР праекты ў краінах Афрыкі ў галіне машынабудавання і сельскай гаспадарцы. «У нас ёсць вельмі шмат кропак судотыку. Думаю, нам трэба вельмі сур’ёзна аднавіць нашы адносіны і прымножыць», — сказаў Аляксандр Лукашэнка.
Беларусь хоча стварыць кола сяброў у Паўднёвай Амерыцы
Паводле слоў Аляксандра Лукашэнкі, Лацінская Амерыка з’яўляецца для Беларусі рэгіёнам адмысловага прыцягнення і ўвагі. «Для ўзаемнай выгады мы маем намер замацавацца там грунтоўна і надоўга», — заявіў ён, прымаючы граматы паслоў Нікарагуа і Парагвая.
Прэзідэнт спадзяецца «канстатаваць значны прагрэс у нашых узаемаадносінах» ужо ў 2011 годзе. Ён адзначыў, што «вялікія адлегласці паміж намі і Каракасам нам не перашкаджаюць развіваць супрацоўніцтва».
У адносінах з Кыргызстанам Беларусь гатова прапанаваць свае паслугі ў сумесным развіцці прамысловага патэнцыялу, распрацоўцы карысных выкапняў, рэалізацыі дзяржпраграм. «Калі нехта думае, што паміж Беларуссю і Кыргызстанам могуць быць дрэнныя адносіны, той глыбока памыляецца. Вы нам людзі не чужыя. Я ўпэўнены, што і для вашага народа Беларусь — блізкая краіна, і ніякія дадатковыя фактары не могуць ускладніць нашыя адносіны. Калі вы гатовыя да гэтага, мы значна можам дадаць да таго, што мы ў свой час мелі і што мы ў свой час задумалі зрабіць у адносінах з вашай рэспублікай», — адзначыў кіраўнік дзяржавы.
