Прэзідэнт Беларусі Аляксандр Лукашэнка ў пасланні народу і парламенту заявіў, што па справе аб тэракце затрыманая 21-гадовая студэнтка аднаго прыватнага ВНУ. "У прыватным ВНУ — гэта ж амаральна спіты чалавек, 21 год. Няўжо ў нас у прыватных ВНУ выхоўваюць і рыхтуюць такіх дзяцей?" — абурыўся кіраўнік дзяржавы.
«Можа, яна заплаціла грошы і атрымала дыплом. Неадкладна трэба разабрацца з прыватнымі ВНУ, і пракантраляваць сады, школы. Гэта адказнасць не толькі вышэйшай улады, але і кіраўнікоў школ, ПТВ», — сказаў беларускі лідар.
Акрамя таго, сярод затрыманых ёсць члены БРСМ, распавёў Аляксандр Лукашэнка. «Навошта нам такія БРСМаўцы? Цяперашні камсамол, будзем па-старому казаць, павінен вырастаць са школ. У школе гэта павінна быць самае галоўнае. Не трэба мазгі кампаставаць, ні ў якім разе. Але трэба зрабіць так, каб дзеці ганарыліся, апранаючы гальштук», — сказаў прэзідэнт Беларусі. У вас будзе адна задача — выключыць са сваіх шэрагаў няўгоднгых. У іншых арганізацыях, наогул няма людзей, толькі шыльды», — сказаў прэзідэнт Беларусі.
Лукашэнка: пятая калона не датычная да тэракту
Прэзідэнт Беларусі Аляксандр Лукашэнка заявіў, што апазіцыя — «пятая калона» — не датычная да тэракту ў Мінску.
«Схлынула хваля пятай калоны — старая гвардыя выйшла. Гэта грошы, каб яны ні казалі, галоўнае для іх — фінансаванне… Але фінансаванне не можа ажыццяўляцца з-за межаў краіны. (У Беларусі) Ніхто грошы на ўлёткі проста так не дасць. Вам грошы дадуць там, дзе будуць заклікаць: зрынуць, паламаць, забіць, застрэліць. Больш за ўсё грошай з-за мяжы дадуць на такія акцыі», — заявіў ён.
«Жывіце спакойна, як і жылі. Гэта не вынік сістэмных памылак. Я нават больш скажу: наша «пятая калона» выкарыстоўвае гэты факт (тэракт) у сваіх мэтах. Я пакуль не бачу нават іх датычнасці», — сказаў беларускі лідар.
Лукашэнка: у камп’ютарах затрыманых знайшлі разарваныя цела, адарваныя галовы
Прэзідэнт таксама распавёў падрабязнасці затрымання і жыцця падазраваных у здзяйсненні тэракту ў Мінску. «У войску служылі? Ды чаму там навучаць, яны працавалі ў гэтай арміі». Паводле яго слоў, у арміі затрыманыя не маглі навучыцца выбухатэхніцы.
«Да гэтага вучыліся ў нармальнай школе. Так, троечнікі. Унікальныя людзі ў хіміі… Але ж на заводзе працавалі? Працавалі. Шарыкі-ролікі выточвалі? Выточвалі… У іх гэтыя кампутары канфіскавалі, а там — разарваныя целы, адарваныя галовы, іншапланецяне нейкія ненармальныя», — адзначыў Аляксандр Лукашэнка.
«Навошта ў СМІ прозвішчы называлі? — абурыўся прэзідэнт. — Не ідзіце на паваду СМІ. Цяпер яшчэ і сям’ю ахоўваць, каб не разарвалі. Бо ж маці яго — не зусім дрэнны чалавек, старэйшае дзіця нармальна выхавала. Ну добра, бацька самаўхіліўся… Ну скончылася б следства — страсці ўлегліся. Зараз могуць іх разарваць. Вельмі востры момант, гэта раніць людей. Гэта наша бяда, гэта мы вінаватыя. І нават калі не вінаватыя, то таксама павінны вінаваціць толькі сябе. Калі будзем замазваць, гэта можа паўтарыцца. Іншых потым спытаем, спачатку з сябе».
«Калі мне пачалі казаць, што сярод падазраваных ёсць асобы іншых нацыянальнасцяў, я адразу сказаў: будзьце гатовыя папрасіць прабачэння, калі гэта не яны. І нам праз два дні давялося перад імі папрасіць прабачэння. Добра, што нармальныя людзі, яны зразумелі. Бо ім жа лепш, калі два дні ў турме пасядзелі. Ну я іх папрасіў два дні ў турме пасядзець, сказаў, каб пакармілі іх добра», — распавёў кіраўнік дзяржавы.
«Гэта адбываецца, як толькі з’яўляецца пажыўнае асяроддзе — якое мы самі стварылі. У сям’і не без вырадка. І гэты вырадак ў нашай сям’і выявіўся. Слава богу, што мы яго своечасова спынілі. Інакш заўтра было б горш. Сёння праваахоўныя органы выявілі гэта «горш» — як мінімум тры — было б яшчэ цяжэй, чым метро».
«Мы занадта самасупакоіліся. Мы заклалі аснову для новай бяды. Мы павінны пытаць толькі з сябе. З іншых спытаем — гэта не праблема, гэта справа часу», — сказаў беларускі лідар.
Па словах прэзідэнта, у тэракту было дзве прычыны: «унутраная, якую мы стварылі з нашымі адмарозкамі, пятай калонай, і знешняя прычына». «Але мы не выключаем астатніх», — адзначыў ён.
