Прэзідэнт Беларусі Аляксандр Лукашэнка выказаў падзяку назіральнікам ад СНД за справаздачу аб прэзідэнцкіх выбарах, якія адбыліся ў Беларусі 19 снежня. "Мне здаецца, тут няма ніякіх нацяжак, і я вам вельмі ўдзячны за тое заключэнне, якое прагучала з вашых вуснаў", — кіраўнік дзяржавы падчас сустрэчы з кіраўніком місіі назіральнікаў ад СНД Сяргеем Лебедзевым.
«Напэўна, вы не скажаце, што мы выкарыстоўвалі нейкія нефармальныя сувязі, сяброўскія адносіны і ціск. Ні ў якім выпадку. Мы стваралі для назіральнікаў вашай групы самыя спрыяльныя ўмовы, вы мелі доступ да любых участках, вы валодалі масай інфармацыі. Калі раптам былі нейкія нацягнутасці, то вы скажыце. Мы вашыя заўвагі будзем успрымаць як сяброўскія. Мы нацэлены на выпраўленне нейкіх недахопаў», — запэўніў Аляксандр Лукашэнка.
Звяртаючыся да Сяргея Лебедзева, Аляксандр Лукашэнка адзначыў, што Беларусь — не чужая краіна для СНД. «Вы — чалавек зацікаўлены ў тым, каб тут у краіне быў парадак, краіна развівалася. Гэта не чужая вам краіна. Вы, напэўна, заўважылі, што мы хацелі ператварыць выбары ў свята. Ніякага фарсу тут няма. Гэта падзяка нашаму народу за яго цярпенне, за тыя поспехі, якія былі, і тыя праблемы, на якія трэба звярнуць увагу», — цытуе прэзідэнта Беларусі АФН.
У сваю чаргу, Сяргей Лебедзеў павіншаваў Аляксандра Лукашэнку з перамогай на выбарах і падзякаваў за добрыя ўмовы працы місіі назіральнікаў. «Мы сапраўды мелі свабодны доступ на ўсіх выбарчых участках, ва ўсіх органах улады нам прадастаўлялі неабходную інфармацыю», — пагадзіўся прэзідэнтам кіраўнік місіі назіральнікаў ад СНД.
«Ацэнка, якую мы зрабілі, гэта не мая асабістая ацэнка. У складзе нашай місіі былі прадстаўнікі дзевяці дзяржаў СНД. Яны аднадушна падтрымалі гэтую ацэнку. На нашу думку, выбары былі адкрытымі, якія забяспечылі свабоднае волевыяўленне народа», — заявіў Сяргей Лебедзеў.
Як раней перадаваў Тэлеграф, кіраўнік выканкама СНД Сяргей Лебедзеў, які ўзначальвае місію назіральнікаў ад СНД, заявіў, што прэзідэнцкія выбары ў Беларусі былі празрыстымі і дэмакратычнымі. Місія назіральнікаў СНД прызнала выбары легітымнымі.
У той жа час місія назіральнікаў БДІПЧ АБСЕ адзначыла шэраг парушэнняў пры падліку галасоў на выбарчых участках, а таксама выпадкі злоўжывання адміністрацыйным рэсурсам для агітацыі на карысць дзейнага прэзідэнта, што прывяло да няроўных умоваў для кандыдатаў. У дакладзе назіральнікаў таксама адзначаецца, што прававая база Беларусі не дае магчымасці аспрэчваць вынікі выбараў.
Таксама і расійскія назіральнікі ад Асацыяцыі некамерцыйных арганізацый па абароне выбарчых правоў «Грамадзянскі кантроль» заявілі, што падчас выбараў у Мінску выявілі парушэнні практычна на ўсіх стадыях выбарчага працэсу. Пра гэта паведаміў 21 снежня падчас тэлемоста з беларускімі праваабаронцамі сустаршыня Асацыяцыі, член Грамадскай палаты Расіі Аляксандр Брод.
