Прэзідэнт Беларусі Аляксандр Лукашэнка падпісаў закон "Аб ратыфікацыі дамовы паміж Украінай і Рэспублікай Беларусь пра дзяржаўную мяжу". Міністэрства замежных спраў Украіны ўжо адзначыла важнасць падпісання беларускім лідарам дадзенага закона для наступнага паглыблення сяброўскіх добрасуседскіх адносін паміж Украінай і Беларуссю.
«Украіна вітае падпісанне прэзідэнтам Рэспублікі Беларусь Лукашэнка закона Рэспублікі Беларусь «Аб ратыфікацыі Дамовы паміж Украінай і Рэспублікай Беларусь пра дзяржаўную мяжу», — сказана ў паведамленні МЗС Украіны.Дадзены крок дазволіць завяршыць працэс дамоўна-прававога афармлення ўкраінска-беларускай мяжы, пакласці пачатак працэсу дэмаркацыі і падпісаць шэраг двухбаковых дакументаў, накіраваных на ўрэгуляванне памежных пытанняў і барацьбу з незаконным гандлем людзьмі, зброяй і наркотыкамі, перадае са спасылкай на прэс-службу МЗС Украіны Корреспондент.net.У паведамленні таксама адзначаецца, што Украіна разлічвае на тое, што падчас наступнай сустрэчы прэзідэнтаў дзвюх краін адбудзецца падпісанне пратаколу пра абмен граматамі аб ратыфікацыі дамовы.Украінскі МЗС падкрэслівае, што здыманне з павесткі дня двухбаковых адносін галоўнага праблемнага пытання «стварае глебу для пашырэння фармату ўзаемадзеяння і выхаду супрацоўніцтва паміж Украінай і Беларуссю на якасна новы ўзровень».Нагадаем, другога красавіка Палата прадстаўнікоў Нацыянальнага збору Беларусі (ніжняя палата парламента) ратыфікавала дамову пра дзяржаўную мяжу з Украінай.Дадзеная дамова падпісаны 12 траўня 1997 года ў Кіеве і з’яўляецца бестэрміновай. Яна вызначае паняцце дзяржаўнай мяжы на сушы, водах, у нетрах, паветранай прасторы паміж Рэспублікай Беларусь і Украінай. Яе прахаджэнне зафіксавана ў пратаколе-апісанні прахаджэння дзяржаўнай мяжы і ў альбоме тапаграфічных картаў з графічна нанесенай у іх лініяй дзяржаўнай мяжы. Пратакол-апісанне і альбом тапаграфічных картаў з’яўляюцца неад’емнымі часткамі дамовы. Дэмаркацыя дзяржаўнай мяжы паміж дагаворнымі бакамі будзе ажыццяўляцца сумеснай камісіяй, якая для гэтага ствараецца. Рэжым дзяржаўнай мяжы паміж дзвюма краінамі, а таксама парадак карыстання зямельнымі ўчасткамі, якія размешчаны за лініяй дзяржаўнай мяжы, але знаходзяцца ў карыстанні суб’ектаў гаспадарання другога дагаворнага боку, будуць вызначацца асобнымі дамовамі. Для правядзення дэмаркацыйных прац на дзяржаўнай мяжы з Украінай можа спатрэбіцца каля дзесяці гадоў. Для фінансавання прац па дэмаркацыі ў 2010 — 2020 гадах запатрабуюцца дадатковыя паэтапныя вылучэнні з рэспубліканскага бюджэту ў памеры каля 51 млрд. рублёў.Украінскі бок ратыфікаваў дамову неўзабаве пасля падпісання — 18 ліпеня 1997 года.Беларускі бок звязваў рашэнне пытання пра ратыфікацыю дамовы аб дзяржаўнай мяжы з урэгуляваннем доўгу Украіны перад Беларуссю, які ўтварыўся ў сярэдзіне 1990-х гадоў. Праблема доўгу была выклікана пастаўкамі прадукцыі беларускіх прадпрыемстваў ва Украіну, па якіх украінскі бок не разлічыўся пасля распаду Савецкага Саюза. Сумы доўгу называліся розныя. Падчас візіту прэзідэнта Беларусі ў Кіеў у 2009 годзе бакам удалося ўрэгуляваць праблему доўгу, аднак афіцыйнай інфармацыі пра схему ўрэгулявання дадзенага пытання агучана не было.
