Лукашэнка разлічвае на дапамогу Гарбачова ў адносінах з Расіяй

02.03.2011 13:37
Архив Редакция

Прэзідэнт Беларусі Аляксандр Лукашэнка павіншаваў былога прэзідэнта Савецкага Саюза Міхаіла Гарбачова з 80-годдзем, якое палітык святкуе 2 сакавіка. У сваім віншаванні беларускі лідар адзначыў "высокі аўтарытэт" цяперашняга прэзідэнта Міжнароднага грамадскага фонду сацыяльна-эканамічных і паліталагічных даследаванняў.

«Перакананы, што ваш высокі аўтарытэт, багаты жыццёвы вопыт, прынцыповая грамадзянская пазіцыя будуць і ў далейшым садзейнічаць умацаванню міру і ўзаемаразумення паміж народамі, пашырэнню ўсебаковых беларуска-расійскіх адносін», — гаворыцца ў віншаванні Аляксандр Лукашэнка, якое прыводзіць прэс-служба кіраўніка беларускай дзяржавы.

Як раней паведаміў Тэлеграф, напярэдадні свайго 80-годдзя Міхаіл Гарбачоў даў шэраг інтэрв’ю СМІ, у якіх раскрытыкаваў дзеянні цяперашняга кіраўніцтва Расіі і выказаў шкадаванне з нагоды таго, што яму не ўдалося захаваць цэласнасць СССР.