Лукашэнка стаў дэлегатам Усебеларускага сходу ад Шклоўскага раёна

05.11.2010 11:17
Архив

Дзейны прэзідэнт Беларусі Аляксандр Лукашэнка стаў дэлегатам на IV Усебеларускі народны сход ад Шклоўскага раёна. Кандыдатура кіраўніка дзяржавы была высунутая ў Шклове шляхам адкрытага галасавання на роўных з яшчэ дзевяццю дэлегатамі - старшынямі, дэпутатамі, аграрыямі.

Пра абранне Аляксандра Лукашэнкі дэлегатам у Мінск паведамілі тэлеграмай. Характэрна, што кандыдатуру дзейнага кіраўніка дзяржавы ў дэлегаты вылучылі таксама ў Цэнтральным раёне Мінску, паведамляе СТВ.

Разам з тым, сярод дэлегатаў Усебеларускага сходу ёсць і іншыя вядомыя беларускія палітычныя дзеячы. Так, у якасці дэлегата ад Салігорска зацверджаны Барыс Батура — кіраўнік Мінаблвыканкама, ад Маладзечанскага раёна — старшыні Палаты прадстаўнікоў Нацыянальнага сходу Уладзімір Андрэйчанка.

У Мінску ж на 4 лістапада ўжо абралі 290 дэлегатаў на Усебеларускі сход, распавёў начальнік галоўнага ўпраўлення ідэалагічнай працы Мінгарвыканкама Сяргей Хільман. 5 лістапада плануецца выбраць яшчэ 110 удзельнікаў ад двух раёнаў.

Як раней перадаваў Тэлеграф, IV Усебеларускі народны сход пройдзе ў Мінску 6-7 снежня. Вызначаная заканадаўствам квота дэлегатаў для Мінску складае 400 чалавек, для абласцей — 350 чалавек. Усяго ў працы сходу прыме ўдзел каля 2,5 тыс. чалавек. На абмеркаванне будуць вынесены пытанні аб выніках рэалізацыі праграмы сацыяльна-эканамічнага развіцця краіны на 2006-2010 гады і аб асноўных палажэннях праграмы сацыяльна-эканамічнага развіцця Беларусі на 2011-2015 гады.