Аляксандр Лукашэнка 23 чэрвеня выказаўся аб праблемах свабодных эканамічных зон. "Трэба заканчваць нарэзку гэтых плошчаў, а даць інвестарам магчымасць самім выбіраць месца для сваёй працы, дзе яны змогуць працаваць на ўмовах свабодных эканамічных зон", — заявіў ён падчас свайго візіту ў Берасцейскую вобласць.
«Што нам рабіць далей: рухацца ў напрамку развіцця СЭЗ або даць магчымасць у цэлым развівацца бізнэсу па прынцыпе свабодных эканамічных зон?» — задаў кіраўнік дзяржавы пытанне мясцовым чыноўнікам.
Аднак затым прэзідэнт сам на яго адказаў. «Мы дамо такія ж умовы інвестарам у розных рэгіёнах. Навошта мы гэтыя прадпрыемствы заганяем ў нейкія рамкі? Трэба даць свабоду інвестару, каб ён сам выбраў сабе месца для працы. Будзем лічыць, што гэты стратэгічны пытанне (па СЭЗ) вырашана», — адзначыў Аляксандр Лукашэнка, перадае АФН.
Разам з тым, дадаў ён, бізнэсмэны павінны не патрабаваць замежную валюту ў дзяржавы, а, наадварот, шукаць яе самастойна, дапамагаючы тым самым краіне. «Бізнэс павінен зарабляць валюту для сябе і для дзяржавы, і не хадзіць на біржу і ў абменнікі, з патрабаваннем «дай валюту», — сказаў кіраўнік дзяржавы.
