Прэзідэнт Беларусі Аляксандр Лукашэнка лічыць, што ва ўмовах, якія склаліся ў Беларусі, палітыка дыктатуры абсалютна немагчымая. Паводле слоў беларускага лідара, краіна проста не валодае неабходнымі для гэтага рэсурсамі. "А па-другое, гэта не маё, гэта асабіста не маё", — заявіў кіраўнік дзяржавы ў інтэрв'ю найбуйнейшым СМІ Германіі.
«Я ніколі не быў дыктатарам і ніколі ім не буду, таму што я ім не нарадзіўся. Гэта трэба нарадзіцца дыктатарам. Я ніколі не парушу гармонію нашага грамадства. І я ніколі не пайду насуперак жаданню нашага грамадства! Ніколі! А ў характары нашага народа ніколі не было такой рысы, як імкненне да дыктатуры ці пасадзіць на трон дыктатара. Ніколі!», — падкрэсліў Аляксандр Лукашэнка.
Паводле слоў беларускага лідара, сёння неабходнымі рэсурсамі, «каб быць дыктатурай ў сусветным маштабе», валодае толькі адна краіна — Злучаныя штаты Амерыкі. Менавіта гэта дзяржава, на думку Аляксандра Лукашэнкі, і праводзіць палітыку дыктатуры, перадае БелТА.
«Захацелі — развязалі вайну ў Іраку, захацелі — бамбуюць Афганістан (яшчэ раней — В’етнам і гэтак далей, і таму падобнае). І ніхто не кажа, што там дыктатура. Дык дзе ж нямецкія дэмакратычныя журналісты? А вось Лукашэнка — гэта дыктатура», — адзначыў прэзідэнт Беларусі.
Паводле слоў беларускага лідара, яму вельмі проста казаць на гэтую тэму з немцамі, бо ў свой час гэтая краіна непасрэдна сутыкнулася з палітыкай дыктатуры. «Выснова адна: дыктатура — гэта шкода для любога грамадства. І рана ці позна яна прывядзе да краху гэтага грамадства і дзяржавы», — падкрэсліў Аляксандр Лукашэнка.
Лукашэнка: наменклатурнай прыватызацыі ў Беларусі ніколі не будзе
Кіраўнік дзяржавы таксама заявіў, што лічыць адной з вартасцяў дзейнай беларускай улады адсутнасць у краіне наменклатурнай прыватызацыі. Паводле слоў Аляксандра Лукашэнкі, працэс прыватызацыі ў Беларусі ідзе, хай і не такімі тэмпамі, як многім хацелася б. «Але наменклатурнай прыватызацыі ніколі не будзе», — падкрэсліў прэзідэнт.
«Калі хто-небудзь з нашых грамадзян прапануе ў выніку за набываныя пакеты акцый цану вялікую, ён будзе акцыянерам. Калі гэта будзе немец, значыць, будзе ён. Умовы вызначаны. І не важна, хто ты: рускі, беларус ці немец, — грошы на стол — і атрымлівай пакет акцый пры пэўных умовах», — заявіў Аляксандр Лукашэнка.
Беларускі лідар паведаміў, што краіна ў першую чаргу прыцягвае інвестараў да прыватызацыі прадпрыемстваў з нізкай рэнтабельнасцю, часам стратных, але з перспектывамі развіцця. Паводле слоў прэзідэнта, інвестарам такіх прадпрыемстваў дзяржава будзе прадстаўляць адпаведныя прэферэнцыі, каб тыя не страцілі цікавасць і не турбаваліся за свае сродкі.
Лукашэнка прапанаваў Германіі паўдзельнічаць у прыватызацыі «Беларуськалія»
У той жа час, адзначыў Аляксандр Лукашэнка, у Беларусі таксама прыватызуюцца паспяховыя, высокарэнтабельныя прадпрыемства. Так, у цяперашні час вядуцца перамовы аб набыцці пакета акцый ААТ «Беларуськалію» кітайскімі інвестарамі. Аляксандр Лукашэнка запрасіў нямецкіх бізнэсмэнаў таксама прыняць удзел у прыватызацыі беларускіх прадпрыемстваў, у тым ліку «Беларуськалію».
Прэзідэнт Беларусі падкрэсліў, што прыватызацыя дзяржпрадпрыемстваў не выкліканая якім-небудзь крызісам, і цяперашняя эканамічная сітуацыя ў краіне не характарызуецца «гібеллю эканомікі».
«Што вельмі важна для бізнэсу — тут заўсёды стабільнасць, спакой, тут жыве вельмі разумны, разумны, дысцыплінаваны, не горшы за нямецкі народ, беларускі народ. І мне здаецца, калі немцы захочуць, асабліва з улікам будаўніцтва Мытнага саюза Беларусі, Казахстана і Расіі, сюды прыйсці, прыходзьце. Хочаце — да выбараў, хочаце — пасля», — дадаў Аляксандр Лукашэнка.
Па словах кіраўніка дзяржавы, беларускія прадпрыемствы адкрыты ў тым ліку і для нямецкіх інвестараў. «Умовы прыватызацыі ўсім вядомыя, мы іх вызначылі, прытым транспарэнтна, адкрыта. І калі гэтыя ўмовы вытрымліваюцца — калі ласка ў Беларусь», — заявіў Аляксандр Лукашэнка. У той жа час, падкрэсліў прэзідэнт, «для таго, каб быў рух, нямецкія інвестары і прадпрымальнікі павінны не назіраць, а рухацца».
