Прэзідэнт Беларусі Аляксандр Лукашэнка ад імя беларусаў і сябе асабіста выказаў спачуванні ўкраінскаму народу, прэзідэнту Украіны Віктару Януковічу, а таксама родным і блізкім загінулых у аўтакатастрофе ў Днепрапятроўскай вобласці. Пра гэта паведамілі ў Адміністрацыі кіраўніка дзяржавы.
«У Рэспубліцы Беларусь з глыбокім смуткам успрынята паведамленне аб трагічнай гібелі грамадзян Украіны ў выніку аўтакатастрофы, якая адбылася ў Днепрапятроўскай вобласці», — сказаў Аляксандр Лукашэнка.
Як раней перадаваў Тэлеграф, трагедыя ў Днепрапятроўскай вобласці Украіны адбылася напярэдадні — 12 кастрычніка ў 9:25 недалёка ад сяла Максімаўка Нікопальскага раёна. На нерэгуляваным чыгуначным пераездзе адбылося сутыкненне лакаматыва з пасажырскім аўтобусам Эталон, у выніку чаго загінула 43 чалавекі.
