Прэзідэнт Беларусі Аляксандр Лукашэнка лічыць, што беларускую ўдзельніцу "Еўрабачання" Анастасію Віннікаву засудзілі. Аб гэтым кіраўнік дзяржавы заявіў 13 траўня ў час рабочай паездкі па Віцебскай вобласці. "Беларусь будуць душыць па ўсіх напрамках, будуць душыць на "Еўрабачанні", як учора гэтую дзяўчынку", — сказаў ён.
«Ну малайчына! Супала ўсё: і паводзіны, і твар, і песня. Яна праспявала гімн Беларусі. Хто ж прапусціць гімн Беларусі? Таму ціснуць там, будуць ціснуць і тут», — цытуе Аляксандра Лукашэнку БелТА.
Як ужо перадаваў Тэлеграф, у чацвер, 12 траўня, адбыўся другі паўфінал 56-га міжнароднага конкурсу песні «Еўрабачанне-2011», які праходзіць у нямецкім Дзюсельдорфе. Беларуская канкурсантка Анастасія Віннікава не змагла заваяваць сэрцы еўрапейскіх гледачоў сваёй патрыятычнай песняй «I love Belarus» («Я люблю Беларусь») і ў фінал не прайшла.
