Лукашэнка забараніў рост арэнднай платы для прадпрымальнікаў

10.11.2010 16:40
Архив

Прэзідэнт Беларусі Аляксандр Лукашэнка сваім указам № 450 удасканаліў парадак рэгулявання арэндных адносін. Як заявілі з гэтай нагоды ў прэс-службе кіраўніка дзяржавы, дакумент дасць магчымасць выканаць даручэнне беларускага лідара ў галіне недапушчэння росту памеру арэнднай платы.

«Указ удакладняе асобныя нормы ўказа № 518 ад 23 лістапада 2009 года ў мэтах адназначнага іх прымянення, ён таксама дазволіць знізіць сацыяльную напружанасць у прадпрымальніцкіх структурах», — заявілі ў Адміністрацыі прэзідэнта Беларусі.

У прыватнасці, указам прадугледжваецца ўдакладненне парадку вызначэння сродкаў, якія падлягаюць выплаце ў бюджэт арэндадаўцамі гандлёвых месцаў на рынках і гандлёвых аб’ектаў у гандлёвых цэнтрах, а таксама прадугледжана магчымасць здачы ў арэнду нерухомай маёмасці, якая знаходзіцца ў рэспубліканскай уласнасці, без правядзення аўкцыёну арандатару, які належным чынам выконвае свае абавязкі па раней заключанай дамове арэнды.

Акрамя таго, адзначыў у прэс-службе, з’явілася магчымасць уліку неаплочаных сумаў па дамовах пазыкі, заключаных да ўступлення ў сілу вышэйзгаданага ўказа № 518 і не завераных натарыяльна, пры ўстанаўленні павышальных каэфіцыентаў да ставак арэнднай платы, калі такія дамовы ўлічваліся аблвыканкамамі і Мінскім гарвыканкамам пры ўзгадненні павышальных каэфіцыентаў да арэнднай платы, што здзяйсняецца ў адпаведнасці з указам ад 24 сакавіка 2005 года № 148.

Новым указам выключаецца прымяненне павышальнага каэфіцыента 3 да плошчаў, якія арандуюцца для размяшчэння кіраўніка, іншых органаў кіравання юрыдычнай асобы або яго адасобленых падраздзяленняў.