Прэзідэнт Беларусі Аляксандр Лукашэнка запатрабаваў паставіць будаўнікоў ў жорсткія рамкі дысцыпліны. Аб гэтым кіраўнік дзяржавы заявіў 27 студзеня, выступаючы ў беларускім парламенце. "Прыйшоў час паставіць будаўнікоў ў жорсткія рамкі вытворчай і эканамічнай дысцыпліны", — заявіў прэзідэнт.
«Калі нарматыўныя тэрміны будаўніцтва і цэны вызначаны, то ўсё, што будзе выдаткавана звышнарматыўна, — за кошт будаўнічай арганізацыі, а не перакладаць гэта пад выглядам інфляцыі, яшчэ нейкіх пытанняў на забудоўшчыкаў, жыхароў, прадпрыемствы. Гэтая формула пачала дзейнічаць», — сказаў беларускі лідар, перадае БелТА.
Кіраўнік дзяржавы нагадаў, што ў ліку важнейшых прыярытэтаў сацыяльна-эканамічнага развіцця Беларусі застаецца будаўніцтва якаснага і даступнага жылля. «У адносінах жыллёвага будаўніцтва мае патрабаванні застаюцца нязменнымі — строгае выкананне тэрмінаў і навядзенне парадку ў цэнаўтварэнні», — заявіў Аляксандр Лукашэнка.
Кіраўнік краіны звярнуў увагу і на перспектывы развіцця ў Беларусі аграпрамысловага комплексу. «Хто не плоціць свайму селяніну, будзе плаціць чужому», — сказаў Аляксандр Лукашэнка, адзначыўшы, што «дзяржава і далей будзе падтрымліваць сельгасвытворцаў».
Аднак такая падтрымка, па словах Аляксандра Лукашэнкі, будзе прадуманай і ўзважанай. «Галоўным крытэрам стане рост эфектыўнасці аграрных праектаў, аграрна-прамысловага комплексу ў цэлым. Каб не проста надаілі, атрымалі мяса, галоўнае — прадай, а яшчэ важней — грошы на рахунку. Вось такіх людзей мы будзем падтрымліваць», — сказаў на заканчэнне кіраўнік дзяржавы.
