Прэзідэнт Беларусі Аляксандр Лукашэнка сустрэўся 19 траўня з прэм'ер-міністрам Украіны Мікалаем Азаравым. "Беларусь як была, так і застаецца верная сваім прынцыпам, як была надзейнай саюзніцай нашай братэрскай Украіны, так і застанецца. У нас вельмі добрыя, цёплыя пачуцці ў адносінах да вашай дзяржавы, вашага народа", — сказаў кіраўнік дзяржавы.
«Хачу запэўніць, што любыя прапановы Украіны, якія на карысць нашых дзяржаў, будуць падтрыманы, прыняты і абавязкова рэалізаваны», — падкрэсліў беларускі лідар і выказаў гатоўнасць супрацоўнічаць з Украінай па ўсіх напрамках, перадае БелТА.
«Мы гатовыя адстойваць сумесна з Украінай без усякіх ваганняў цікавыя для Украіны і нас пытанні», — сказаў Аляксандр Лукашэнка і папрасіў перадаць свайму калегу Віктару Януковічу запэўненні ў тым, што Беларусь «заўсёды была і застаецца верная сваім прынцыпам ва ўзаемаадносінах з братэрскай Украінай».
Як раней паведамляў Тэлеграф, у канцы красавіка прэзідэнт Беларусі заявіў, што ў кіраўніцтва Украіны «хапае вашывасці». А амбасадар Украіны ў Беларусі Раман Бязсмертны ў адказ сказаў, што рэзкае выказванне беларускага прэзідэнта Аляксандра Лукашэнкі аб украінскім кіраўніцтве «без сумневу» паўплывае на адносіны дзвюх краін.
