"Макееўскі" мільярд даляраў Беларусі дасць Керымаў

09.06.2011 14:27
Архив

Мільярд даляраў, які Беларусь, па словах кіраўніка Адміністрацыі прэзідэнта Уладзіміра Макея, можа атрымаць "з іншай крыніцы", Мінск атрымае ад расійскага мільярдэра, уладальніка "Уралкалія" Сулеймана Керымава. Гэтыя сродкі Беларусь атрымае ў кошт будучых паставак сыравіны.

Дадзеная сума, па словах алігарха, пакрывае прыкладна палову гадавога аб’ёму здабычы «Беларуськалія», а дамоўленасць аб выдзяленні сродкаў была дасягнута 8 чэрвеня, распавяла крыніца агенцтва «Прайм», блізкая да перамоваў.

«Перамовы ішлі аб продажы «Уралкалію» пакета акцый «Беларуськалія», і разам з гэтай дамоўленасцю ёсць папярэдняя дамоўленасць у кошт будучых паставак калію па фіксаванай цане ўзяць ва «Уралкалія» адзін мільярд даляраў», — сказала крыніца.