Кіраўнік Адміністрацыі прэзідэнта Беларусі Уладзімір Макей 15 сакавіка сустрэўся з генеральным сакратаром Арганізацыі па бяспецы і супрацоўніцтву ў Еўропе Маркам Перэнам дэ Брышамбо. Падчас перамоў Уладзімір Макей падкрэсліў, што Беларусь мае намер працягнуць актыўнае ўзаемадзеянне з АБСЕ з улікам раўназначнага падыходу ва ўсіх кірунках дзейнасці арганізацыі.
Марк Перэн дэ Брышамбо і Уладзімір Макей падчас сустрэчы абмеркавалі пытанні развіцця супрацоўніцтва Беларусі і АБСЕ, дзейнасці Офіса гэтай арганізацыі ў Мінску.
Генеральны сакратар Арганізацыі па бяспецы і супрацоўніцтву ў Еўропе выказаў падзяку беларускаму боку за вялікую ўвагу да супрацоўніцтва ў рамках АБСЕ, паведамляе БелТА.
Уладзімір Макей і генеральны сакратар АБСЕ таксама закранулі пытанні рэфармавання АБСЕ, у тым ліку з улікам актуальных прапаноў казахстанскага старшынства.
