Забароны на пастаўку малдаўскага віна ў Беларусь няма, паведаміла супрацоўніца прэс-службы ўрада Малдовы Таццяна Казаку. Па яе словах, прадстаўнікі амбасады Беларусі ў Малдове звязаліся з урадам Малдовы і патлумачылі, што "адбылося нейкае непаразуменне і што ніякіх забаронаў на пастаўкі для малдаўскіх вінаробаў афіцыйныя інстанцыі ў Беларусі не выдавалі".
«Прадстаўнікі амбасады Беларусі ў Малдове выказалі шкадаванне ў сувязі з нягеглай сітуацыяй, якая склалася ў сувязі з гэтым», — адзначыла Таццяна Казаку, перадае РИА «Новости».
Як раней перадаваў Тэлеграф, прэм’ер-міністр Малдовы Уладзімір Філатаў на пасяджэнні кабінета міністраў краіны заявіў, што Беларусь забараніла з 4 красавіка выдачу санітарных сертыфікатаў на імпарт віна, вінаматэрыялаў і каньякоў з Малдовы. Кіраўнік малдаўскага ўрада даручыў міністрам замежных спраў і сельскай гаспадаркі высветліць прычыну забароны.
