Беларусі яшчэ трэба будзе правесці вялікую працу для таго, каб стаць членам Сусветнай гандлёвай арганізацыі (СГА), заявіў дырэктар дэпартаменту гандлёвых перамоваў мінэканамразвіцця Расіі Максім Мядведкаў. Паводле яго слоў, значную частку працы па далучэнні да СГА зрабіў Казахстан, які можа далучыцца да арганізацыі праз "лічаная колькасць месяцаў" пасля далучэння Расіі.
Што тычыцца самой Расіі, то Максім Мядведкаў сказаў: «Завяршэнне перамоў па далучэнні Расіі да Сусветнай гандлёвай арганізацыі тэхнічна магчыма ў красавіку 2011 года». Пры гэтым кіраўнік расійскай перамоўнай дэлегацыі дадаў, што гэта «план максімум» з тым, каб Расія завяршыла далучэнне да СГА ў гэтым годзе, паведамляе РИА «Новости».
«Пасля завяршэння перамоў працоўная група па далучэнні Расіі да СГА павінна будзе падрыхтаваць усе дакументы, зверыць іх з усімі членамі арганізацыі і прадставіць гэты пакет дакументаў разам з рэкамендацыяй аб прыняцці Генеральнай радзе гэтай арганізацыі», — растлумачыў Максім Мядведкаў.
Затым, па словах прадстаўніка МЭР РФ, генрада, якая збіраецца на пасяджэнне прыкладна раз у два месяцы, павінна зацвердзіць гэтыя дакументы і прыняць Расію ў арганізацыю. «Пасля гэтага ўсе дакументы будуць унесены на ратыфікацыю ў расійскі парламент, на якую звычайна сыходзіць 3-5 месяцаў, а праз 30 дзён пасля падпісання ратыфікацыйных дакументаў прэзідэнтам Расія стане членам СГА», — сказаў Максім Мядведкаў, дадаўшы, што Дзярждума Расіі можа ратыфікаваць усе дакументы па СГА і хутчэй.
Вяртаючыся да Мытнага саюза Беларусі, Расіі і Казахстана, Максім Мядведкаў сказаў: «Што нам важна для функцыянавання Мытнага саюза? Нам важна, каб тыя абавязацельствы, якія мы бярэм на сябе пры уступленні ў СГА, былі аднолькавымі».
