Краіны-удзельніцы Мытнага саюза збіраюцца ўвесці абавязковае інфармаванне аб увазных таварах. Пра гэта 16 сакавіка заявіў галоўны інспектар Дзяржаўнага мытнага камітэту Беларусі Андрэй Палянскі. Паводле яго слоў, падобная працэдура існуе ў Еўрасаюзе і спрашчае працэс мытных і іншых фармальнасцяў.
Гэта адбываецца менавіта таму, што на мытныя пункты паступае папярэдняя інфармацыя, сказаў Андрэй Палянскі. «Такое ж намячаецца ў рамках Мытнага саюза. Дадзеная працэдура пазначаная ў Мытным кодэксе МС, але носіць неабавязковы характар», — цытуе прадстаўніка ДМК БелаПАН.
Андрэй Палянскі таксама выказаў меркаванне, што ў выпадку ўвядзення дадзенай працэдуры як абавязковай спецыялісты змогуць аналізаваць дадзеныя аб таварах загадзя, а гэта дапаможа ва ўдасканаленні спробаў увозу забароненых тавараў. Акрамя таго, фармальнасці на мытным пункце пропуску будуць зведзены да мінімуму, і груз не будзе затрымлівацца.
