Прэзідэнт Расіі Дзмітры Мядзведзеў ратыфікаваў міжурадавае пагадненне з Беларуссю аб забеспячэнні ўзаемных паставак прадукцыі ваеннага, двайнога і грамадзянскага прызначэння ва ўмовах пагрозы агрэсіі або вайны. Пра гэта паведамілі ў Адміністрацыі расІйскага лідара.
Міжурадавае пагадненне стварае прававую аснову і механізмы двухбаковага эканамічнага і ваенна-тэхнічнага супрацоўніцтва бакоў у перыяд нарастання пагрозы агрэсіі і ў ваенны час. У падобных умовах удзельнікі дамовы абавязваюцца ажыццяўляць узаемныя пастаўкі прадукцыі ў рамках мабілізацыйных планаў эканомікі дзяржаў.
Як адзначылі ў Адміністрацыі Дзмітрыя Мядзведзева, рэалізацыя дадзенага пагаднення не прывядзе да дадатковых расходаў сродкаў федэральнага бюджэту Расіі.
Як ужо паведамляў Тэлеграф, пагадненне было падпісана 10 снежня 2009 года ў Маскве. 26 студзеня 2011 года Дзяржаўная дума Расіі ратыфікавала дакумент.