Кіраўнік беларускага ўрада Міхаіл Мясніковіч 20 студзеня на нарадзе ў Федэральным касмічным агенцтве Расіі ў Маскве паведаміў аб заканчэнні падрыхтоўкі да запуску спадарожніка з Беларусі. «Наш праект уступае ў завяршальную стадыю. Хацелася б заслухаць даклады аб заключных працах, каб можна было прыняць адпаведныя рашэнні», — сказаў ён.
Кіраўнік Роскосмаса Анатоль Пермінаў таксама выказаў надзею, што пасля запуску беларускага апарата супрацоўніцтва дзвюх краін у касмічнай сферы стане яшчэ больш цесным, перадае БелТА.
Як ужо паведамляў Тэлеграф, у бліжэйшы час Беларусь мае намер стаць ўладальніцай уласнага штучнага спадарожніка зямлі. Ён ствараецца сумесна з Расіяй і будзе запушчаны з расійскага касмадрома. Працы па стварэнні ў Беларусі Цэнтры кіравання палётамі новага касмічнага апарата дыстанцыйнага зандзіравання Зямлі былі завершаны ў лістападзе 2010 года. Беларускі спадарожнік плануюць вывесці на арбіту разам з расійскім кластарным запускам у 2011 годзе.
Першапачаткова планавалася, што гэта адбудзецца ў 2009 годзе, але праз негатовасць апарата яго запуск быў перанесены на 2010. Папярэдняя спроба Беларусі запусціць уласны спадарожнік з расійскага касмадрома скончылася няўдачай — апарат быў страчаны.
