Кіраўнік урада Беларусі Міхаіл Мясніковіч запатрабаваў ад міністэрстваў і ведамстваў фармаваць экспартную стратэгію краіны з улікам магчымасцяў Мытнага саюза і Адзінай эканамічнай прасторы Беларусі, Казахстана і Расіі. Аб гэтым прэм'ер заявіў 8 лютага на пасяджэнні прэзідыума Саўміна, прысвечаным праекту нацыянальнай праграмы развіцця экспарту на 2011-2015 гады.
«Я ўжо другі раз звяртаю ўвагу, што пасля ратыфікацыі дагаворнай базы па АЭП усё ва ўрадзе супакоіліся, лічачы, што гэта будзе адбывацца само сабой. Рэальнага напаўнення я пакуль не бачу і ініцыятываў з боку міністэрстваў і тых, хто каардынуе гэтую працу, таксама няма», — адзначыў прэм’ер, перадае БелТА.
Між тым, як паведамляў Тэлеграф, за 2010 год экспарт прадукцыі прадпрыемстваў канцэрна «Беллегпрам» вырас, у параўнанні з 2009 годам, на 25,1% і склаў 620,3 млн. даляраў. За мінулы год прадукцыя пастаўлялася ў 57 дзяржаў.
