У цяперашнім годзе ў Беларусі не будзе ваеннага параду на Дзень Незалежнасці. Пра гэта паведаміў кіраўнік прэс-службы міністэрства абароны Вячаслаў Раменчык. "Трэцяга ліпеня ваенны парад у нас не плануецца", — сказаў прадстаўнік ваеннага ведамства.
Аднак, у міністэрстве абароны не ўдакладнілі, у сувязі з чым на гэты раз адзначаць Дзень незалежнасці беларусы будуць без удзелу ваеннай тэхнікі, перадае «Еўрапейскае радыё для Беларусі».
Як раней паведамляў Тэлеграф, у сталіцы два гады таму падчас святочнага канцэрта з нагоды Дня незалежнасці на скрыжаванні праспектаў Машэрава і Пераможцаў прыкладна ў 00:30 адбыўся выбух самаробнай прылады, начыненай балтамі і гайкамі.
На канцэрце, па афіцыйных дадзеных, прысутнічала каля паўмільёна чалавек. Па медыцынскую дапамогу звярнулася 54 чалавекі, 47 з іх, у тым ліку двое дзяцей, былі шпіталізаваныя.
