Мінадукацыі вырашыла адлічваць са школ двоечнікаў і хуліганаў

28.01.2011 11:33
Архив Редакция

У новым Кодэксе аб адукацыі, які ўступае ў сілу 1 верасня 2011 года, прапісаны механізму выключэння са старэйшай школы вучняў, паспяховасць якіх нізкая, а паводзіны - нездавальняючыя. Дакумент упершыню прадугледжвае паняцце «дысцыплінарная правіна» і вызначае меры дысцыплінарнай адказнасці, адной з якіх з'яўляецца адлічэнне.

«Але гэта зусім не азначае, што школа цяпер ператворыцца ў паліцэйскі ўчастак. Гэты механізм трэба будзе яшчэ адпрацаваць. Усе ўдзельнікі адукацыйнага працэсу — і дзеці, і студэнты, і педагогі — адзначаюць, што адказнасці не хапае. Таму ў Кодэксе пастараліся асабліва адзначыць такія моманты», — прыводзіць газета «Аргументы і факты ў Беларусі» словы кіраўніка мінадукацыі Беларусі Сяргея Маскевіча.

Патрабаванні да ўсіх установаў адукацыі з пункту гледжання належных умоваў для навучання будуць павышаныя, дадаў міністр.

Паслядыпломную адукацыю, таксама чакаюць змены. Напрыклад, раней не было дакумента, які вызначае ўзровень адукацыі і кваліфікацыю, якую можна атрымаць у аспірантуры, тлумачыць Аляксандр Маскевіч. Згодна з новым Кодэксам, выпускнікі аспірантуры атрымаюць дыплом даследчыка, яны змогуць разлічваць на больш высокія пасады. Калі раней выпускнікі аспірантуры маглі працаваць малодшымі або старшымі навуковымі супрацоўнікамі, а таксама асістэнтамі, то цяпер у іх будзе магчымасць уладкавацца старшымі выкладчыкамі ў ВНУ. Паведамляецца, што міністэрства працы і сацыяльнай абароны будзе працаваць над тым, каб такія спецыялісты былі запатрабаваныя на рынку працы.

Дакумент аб адукацыі будзе рэгуляваць і пытанні аплаты навучання. Як ужо перадаваў Тэлеграф, студэнтам платных аддзяленняў дазволяць плаціць у растэрміноўку і нават «у любы час» — раз на месяц, раз на два месяцы і г.д. Кодэкс аб адукацыі таксама прадугледжвае падпісанне дамовы на навучанне.

Як адзначыў міністр, павышэнне ў студзені платы за навучанне звязана з павелічэннем тарыфнай стаўкі першага разраду. На дадзены момант з бюджэту краіны выдзяляецца каля 10 млн. рублёў (3,32 тыс. даляраў) на аднаго студэнта штогод. Прыкладна 70% гэтай сумы аплочвае сам студэнт.

Як ужо паведамлялася, у беларускіх ВНУ заднім чыслом вырасла плата за навучанне. Загады, якія датычацца змяненняў кошту навучання і памераў аплаты ў 2010-2011 навучальным годзе, з’явіліся ў ВНУ ў пачатку студзеня. У ВНУ заяўляюць, што павелічэнне аплаты абгрунтавана інструкцыяй аб кошце платнага навучання № 38 міністэрства адукацыі.

Кодэкс аб адукацыі прадугледжвае і дысцыплінарнае пакаранне за ўдзел у несанкцыянаваных мерапрыемствах — вымова ці папярэджанне. Міністр адукацыі 25 студзеня заявіў, што студэнтаў не будуць адлічваць з ВНУ за ўдзел у масавых пратэстах 19 снежня 2010 года, аднак удакладніў, што яны могуць быць выключаны за пропускі заняткаў.