Міністр энергетыкі Расіі Сяргей Шматко заявіў 17 чэрвеня ў Санкт-Пецярбургу, што ў "Газпрома" няма неабходнасці ўжываць у дачыненні да Беларусі якія-небудзь штрафныя санкцыі. Разам з тым, кіраўнік расійскага мінэнерга выказаў надзею на тое, што Беларусь выплаціць доўг за газ у памеры каля 200 млн. даляраў.
«Я спадзяюся, што беларускія калегі змогуць выканаць свае кантрактныя абавязацельствы і разлічыцца з «Газпромам». І няма ніякай неабходнасці па прымяненні прадугледжаных кантрактам санкцыяў з боку «Газпрома», — прыводзіць словы Сяргея Шматко ПРАЙМ-ТАСС.
Як раней паведамляў Тэлеграф, доўг Беларусі за пастаўлены ў 2010 расійскі газ утварыўся ў выніку таго, што «Белтрансгаз» аплочваў яго па леташнім кошце, тады як сёлета ён павысіўся і замест 150 даляраў за тысячу кубаметраў павінен скласці ў сярэднім за год каля 187 даляраў.
Увечары 15 чэрвеня прэзідэнт РФ Дзмітры Мядзведзеў паставіў перад Беларуссю ўльтыматум, запатрабаваў ліквідаваць запазычанасць на працягу пяці наступных дзён. Пазней «Газпром» заявіў, што будзе чакаць выплаты доўгу да 21 чэрвеня, пасля чаго пры адсутнасці аплаты можа абмежаваць пастаўкі газу ў Беларусь.
