Беларусь можа выйсці на размяшчэнне еўрааблігацый на фондавых рынках на працягу тыдня. Пра гэта 28 траўня паведаміў першы намеснік міністра фінансаў Беларусі Уладзімір Амарын.
«Мы гатовыя да выхаду. Рашэнне прынята», — сказаў Уладзімір Амарын, адзначыўшы, што пры станоўчым сігнале ад арганізатараў гэта можа адбыцца на працягу тыдня. У залежнасці ад напаўняльнасці аркушу заявак і іншых эканамічных фактараў сума размяшчэння еўрааблігацый можа скласці да 1 млрд. даляраў, перадае БелТА.
Права ў 2010-2011 гадах выпусціць аблігацыі на суму да 2 млрд. даляраў з тэрмінам абарачэння не менш за 5 гадоў і размяшчэннем іх за межамі краіны прадстаўлена саўміну Беларусі ўказам №245 ад 13 траўня 2010 года.
Указ прыняты ў мэтах прыцягнення замежных інвестыцый у эканоміку рэспублікі. Ураду нададзена паўнамоцтва ўхваляць праспект эмісіі кожнага выпуску аблігацый у межах агульнай сумы ў 2 млрд. даляраў і дамовы, звязаныя з выпускам, размяшчэннем, абарачэннем і пагашэннем гэтых аблігацыяў, іншымі паўнамоцтвамі, звязанымі з размяшчэннем і пагашэннем аблігацый.
Пастановай саўміна ад 20 траўня 2010 гады №758 прынята рашэнне, што Беларусь у 2010 годзе выпусціць дзяржаўныя доўгатэрміновыя аблігацыі на суму да 1 млрд. даляраў з тэрмінам абарачэння не менш за пяць гадоў.
Как вам новость?
Выбор читателей
