іністэрства фінансаў Беларусі назвала пяць найбуйнейшых адкрытых акцыянерных таварыстваў Беларусі па выніках мінулага года. Паводле дадзеных дэпартаменту па каштоўных паперах мінфіна, імі сталі "Нафтан", Мазырскі НПЗ, МАЗ, "Гродна Азот" і "Белшына".
Паводле дадзеных міністэрства фінансаў, самым буйным ААТ Беларусі стаў «Нафтан», чыя выручка па выніках мінулага года склала 7,13 трлн. рублёў (2,36 млрд. даляраў). Пры гэтым прыбытак кампаніі ў 2009 годзе склаў каля 153 млрд. рублёў (50,7 млн. даляраў). Сярэднеспісачная колькасць працаўнікоў прадпрыемства склала каля 12,3 тыс. чалавек, перадае ПРАЙМ-ТАСС.
Другім пасля «Нафтана» ў спісе найбуйнейшых беларускіх прадпрыемстваў з’яўляецца «Мазырскі НПЗ», у якога выручка ў 2009 годзе склала амаль 4,9 трлн. рублёў (1,62 млрд. даляраў), а прыбытак — 203,33 млрд. рублёў (67,3 млн. даляраў), што больш, чым у «Нафтана» на 16,6 млрд. даляраў. Колькасць супрацоўнікаў на прадпрыемстве ў мінулым годзе склала каля 4,16 тыс. чалавек.
Па дадзеных дэпартамента па каштоўных паперах, трэцяе месца займае ААТ «МАЗ», у якога выручка ў 2009 годзе склала 1,833 трлн. рублёў (607,5 млн. даляраў), а прыбытак — 80,97 млрд. рублёў (26,8 млн. даляраў). Сярэднеспісачная колькасць працаўнікоў на прадпрыемстве склала каля 21 тыс. чалавек.
Чацвёртае месца ў ліку найбуйнейшых ААТ Беларусі за мінулы год заняло ААТ «Гродна Азот», у якога выручка ў 2009 годзе склала 1,681 трлн. рублёў (557,1 млн. даляраў), а прыбытак — 45,27 млрд. рублёў (каля 15 млн. даляраў). Сярэднеспісачная колькасць супрацоўнікаў на «Гродна-Азоце» ў мінулым годзе склала каля 7,23 тыс. чалавек.
Пятым ў ліку найбуйнейшых беларускіх прадпрыемстваў стаіць ААТ «Белшына», у якога выручка ў мінулым годзе склала 1,395 трлн. рублёў (462,3 млн. даляраў), а прыбытак — 12,8 млрд. рублёў (4,2 млн. даляраў). Сярэднеспісачная колькасць супрацоўнікаў на прадпрыемстве ў 2009 годзе — каля 12,85 тыс. чалавек.
Далей прадстаўлены астатнія прадпрыемствы, якія ўвайшлі ў спіс 20 найбуйнейшых ААТ Беларусі. Шостае месца — ААТ «МАПІД» (выручка за мінулы год склала 386,1 млн. даляраў); сёмае месца — ААТ «Магілёўхімвалакно» (362,9 млн. даляраў); восьмае — ААТ «Гомельскі хімічны завод» (189,5 млн. даляраў); дзявятае — ААТ «ММЗ» (185,2 млн. даляраў) і дзясятае — ААТ «Савушкін прадукт» (173,8 млн. даляраў).