Міністэрства фінансаў Беларусі пачатало падрыхтоўку праекта асноўных кірункаў бюджэтна-фінансавай і падатковай палітыкі на 2011 год і сярэднетэрміновую перспектыву. "Для падрыхтоўкі гэтага дакумента стварылі працоўную групу, якую ўзначаліў намеснік прэм'ер-міністра Андрэй Кабякоў", — распавялі ў міністэрстве.
«Групе даручана ажыццяўляць кіраўніцтва распрацоўкай праекта асноўных кірункаў бюджэтна-фінансавай і падатковай палітыкі на 2011 год. Таксама яна будзе каардынаваць працу па падрыхтоўцы праекта закона «Пра рэспубліканскі бюджэт на 2011 год», — распавялі ў мінфіне, перадае БелТА.
У рамках працы над асноўнымі кірункамі бюджэтна-фінансавай і падатковай палітыкі група ўжо правяла першае паседжанне. Наступнае паседжанне павінна адбыцца пятага красавіка.
«Бюджэтна-падатковая палітыка Беларусі на перыяд да 2013 года будзе накіравана на далейшае зніжэнне падатковай нагрузкі і рацыяналізацыю выдаткаў бюджэту», — падкрэслілі ў міністэрстве фінансаў.
Таксама, паводле пастановы Саўміна № 410, мінфін да 15 чэрвеня 2010 года павінен прадставіць ва ўрад праект закона «Пра рэспубліканскі бюджэт на 2011 год».