Знешняя дзяржаўная пазыка Беларусі за сакавік павялічылася на 10,2% і на першага красавіка 2010 года была на ўзроўні 25,167 трлн. рублёў (каля 8,45 млрд. даляраў) пры зацверджаным ліміце 9,5 млрд. даляраў. Па дадзеных міністэрства фінансаў Беларусі, агульны ўзровень запазычанасці за сакавік павялічыўся на 7,6% і да пачатку красавіка быў роўны 33,5 трлн. рублёў.
Пры гэтым запазычанасць, гарантаваная ўрадам, складае каля 349,4 млрд. рублёў, ці 1,4% усяго вонкавага доўгу, перадае БелТА. Гэты паказчык за сакавік павялічыўся на 8,7%. Доўг цэнтральнага ўрада роўны 24,818 трлн. рублёў, ці 98,6% (прычым уся запазычанасць сфармавана доўгатэрміновымі пазыкамі). Як адзначылі ў мінфіне, за справаздачны перыяд ён узрос на 10,2%.
Унутраны дзяржаўны доўг Беларусі за сакавік 2010 года павялічыўся на 0,5% і склаў на пачатак красавіка 8,335 трлн. рублёў. У тым ліку запазычанасць, гарантаваная ўрадам, павялічылася на 2% да 5,939 трлн. рублёў і склала 71% усяго ўнутранага доўгу. Запазычанасць цэнтральнага ўрада ўраўноўвалася 2,395 трлн. рублёў і за мінулы месяц скарацілася на 3,1%.
