Міжведамасная камісія міністэрства гандлю Беларусі аб'явіла адкрыты конкурс на вызначэнне імпарцёраў рыбнай прадукцыі. Пераможцам конкурсу прадастаўляецца рэалізацыя выключнага права дзяржавы на ажыццяўленне імпарту прэснаводнай рыбы, прадуктаў перапрацоўкі рыбы і морапрадуктаў, з правам увозіць гэтую прадукцыю ў Беларусь у 2011 годзе.
«Для ўдзелу ў конкурсе неабходна прадставіць міжведамаснай камісіі конкурсныя прапановы ў міністэрства гандлю Рэспублікі Беларусь, размешчанае па адрасе: г. Мінск, вул. Кірава, д. 8, корп. 1, пак. 811», — паведамілі ў мінгандлю.
Дакументы будуць прымацца з 15 ліпеня па 15 жніўня 2010 ўключна. Конкурсная прапанова павінна ўключаць шэраг дакументаў і інфармацыю аб удзельніку конкурсу.
Так, у ліку дакументаў павінны быць: рэквізіты ўдзельніка конкурсу (найменне, месцазнаходжанне, тэлефон, факс); прозвішча, імя, імя па бацьку асобы, упаўнаважанай дзейнічаць ад імя ўдзельніка конкурсу і падпісваць усе неабходныя дакументы ў час яго правядзення; пералік прэснаводнай рыбы, прадуктаў перапрацоўкі рыбы і морапрадуктаў, якія ўдзельнік конкурсу мае намер увозіць у Рэспубліку Беларусь, з указаннем найменняў і кодаў у адпаведнасці з адзінай таварнай наменклатурай знешнеэканамічнай дзейнасці Мытнага саюза і іншыя дакументы.
Пра поўную інфармацыю аб удзеле ў конкурсе можна даведацца на афіцыйным сайце міністэрства гандлю.
