Органы кіравання партый не прымалі рашэнняў аб тым, што партыі будуць удзельнічаць у дэманстрацыях пасля прэзідэнцкіх выбараў у Беларусі. Пра гэта 23 снежня кіраўнікі палітычных партый, зарэгістраваных у краіне, паведамілі міністэрству юстыцыі.
Кіраўнікі палітычных партый лічаць, што ўдзел асобных членаў якой-небудзь партыі ў несанкцыянаваных мерапрыемствах, у ходзе якіх адбыліся масавыя беспарадкі, не з’яўляецца дзейнасцю ад імя палітычнай партыі, заявілі ў мінюсце.
«Міністэрства юстыцыі Рэспублікі Беларусь напярэдадні выбараў прэзідэнта Рэспублікі Беларусь заклікала кіраўнікоў палітычных партый і грамадскіх аб’яднанняў выконваць дзейнае заканадаўства і не паддавацца на правакацыі некаторых асобаў, што заклікалі ў дзень выбараў да супрацьзаконных дзеянняў, якія могуць парушыць правы і законныя інтарэсы беларускіх грамадзян», — нагадалі ў міністэрстве.
Як ужо перадаваў Тэлеграф, незадоўга да 19 снежня Генеральная пракуратура вынесла папярэджанні кандыдатам у прэзідэнты Мікалаю Статкевічу, Віталю Рымашэўскі і Яраславу Раманчуку. Іх папярэдзілі за заклікі выбаршчыкаў выйсці на Кастрычніцкую плошчу ў выпадку фальсіфікацыі выбараў.
Аднак, нягледзячы на гэта, кандыдаты працягвалі заклікаць беларусаў выйсці на дэманстрацыю, калі 19 снежня адбудзецца відавочная фальсіфікацыя вынікаў прэзідэнцкіх выбараў. Віталь Рымашэўскі таксама прапанаваў правесці агульнанацыянальную забастоўку.
