Першы намеснік міністра інфармацыі Лілія Ананіч заявіла, што ў маі 2010 гады з'явяцца першыя напрацоўкі па праекце стварэння адзінага партала беларускіх СМІ. Намміністра падкрэсліла, што неабходна больш дынамічна і актыўна развіваць нацыянальную прысутнасць у інтэрнэце менавіта ў сегменце СМІ.
«Мы сёння бачым досыць цікавую працу цэнтральных сродкаў масавай інфармацыі ў гэтым кірунку, але, нажаль, гэты досвед пакуль не мае ўсеагульнага ахопу ў рэгіянальных СМІ. Хоць пастаўлена задача ў бліжэйшыя месяц-два ўжо скончыць працу па стварэнні інтэрнэт-сайтаў усіх рэгіянальных СМІ», — заўважыла прадстаўніца міністэрства.
«Ідэя стварэння падобнага партала беларускай прэсы лунала ў паветры, і мінінфарм мяркуе, што было б зусім правільна, калі б ён з’явіўся», — падкрэсліла Лілія Ананіч, паведамляе БелТА.
«Цяпер ідзе прапрацоўка гэтага пытання, таго, што там можа быць. Мы паспрабуем прадставіць у праекце ўсё цікавае, што ёсць у інфармацыйным полі нашай краіны. Думаю, што кансалідаваны інфармацыйны рэсурс — гэта заўсёды пашырэнне магчымасцяў па прадстаўленні нашага інфармацыйнага прадукта ў сеткі інтэрнэт», — адзначыла намміністра.
Па словах Ліліі Ананіч, дадзеная праца з’яўляецца шматпланавай, і яна таксама дадала, што міністэрства інфармацыі не застанецца ўбаку ад праекта і любая ініцыятыва, любыя прапановы ў гэтым кірунку будуць падтрыманы.
