З 1 лістапада 2010 года ў Беларусі ўводзяцца новыя карэктуючыя каэфіцыенты да тарыфных ставак працаўнікоў бюджэтных арганізацый. Пра гэта паведамілі ў галоўным упраўленні працы і заработнай платы Міністэрства працы і сацыяльнай абароны Беларусі. У міністэрстве падкрэслілі, што за кошт змянення дыяпазону карэктуючых каэфіцыентаў павысіцца заробак нізкааплатных катэгорый работнікаў.
Карэктуючыя каэфіцыенты да тарыфных стаўках таксама павысяцца для працаўнікоў іншых арганізацый, якія атрымліваюць субсідыі, якія прыроўненыя па аплаце працы да працаўнікоў бюджэтных арганізацый, перадае БелТА.
Адпаведная пастанова міністэрства працы і сацыяльнай абароны № 141 уступае ў сілу з 1 лістапада 2010 года. Яе распрацавалі ў адпаведнасці з пастановай урада ад 27 верасня 2010 года № 1382. У адпаведнасці з гэтым дакументам тарыфная стаўка першага разраду з 1 лістапада павысіцца з 90 тыс. рублёў да 118 тыс. рублёў.
Тарыфныя стаўкі (аклады) працаўнікоў налічваюцца шляхам паслядоўнага памнажэння тарыфнай стаўкі першага разраду, зацверджанай урадам, на адпаведныя тарыфныя каэфіцыенты Адзінай тарыфнай сеткі працаўнікоў і карэктуючыя каэфіцыенты.
Як раней перадаваў Тэлеграф, рост тарыфнай стаўкі першага разраду ў Беларусі з 1 лістапада 2010 года дасць магчымасць павысіць заработную плату работнікам бюджэтнай сферы ў сярэднім на 30%, або ў абсалютным памеры на 135 тыс. рублёў. Заробак бюджэтнікаў, якія тарыфікуюцца з 1 па 12 разрад, перавысіць мінімальны спажывецкі бюджэт, што ўзмоцніць сацыяльную абароненасць такіх працаўнікоў, патлумачыла міністр працы Беларусі Марыяна Шчоткіна.
