Мінсельгасхарч: Беларусь забяспечвае нацбяспеку па прадуктах

03.06.2011 13:05
Архив

Беларускія ўлады стабільна забяспечваюць харчовую бяспеку краіны. Пра гэта 3 чэрвеня заявіў намеснік міністра сельскай гаспадаркі і харчавання Васіль Седзін. Паводле яго слоў, бяспека дасягаецца за кошт вялікага аб'ёму ўласнай вытворчасці сыравіны і сельскагаспадарчай прадукцыі - гэты паказчык амаль удвая вышэйшы, чым таго патрабуе ўнутраны рынак.

Пры гэтым Беларусь пастаўляе за мяжу больш за трэць аб’ёму ўнутранага рынку прадуктаў харчавання, і рост экспарту «не ўяўляе сёння пагрозы для нацыянальнай харчовай бяспекі», адзначыў Васіль Седзін.

Так, паводле яго слоў, у апошнія гады продаж сельгаспрадукцыі на знешніх рынках павялічыўся больш чым у 2,5 раза. Напрыклад, толькі за 2010 год экспартныя пастаўкі ўзраслі амаль на мільярд даляраў — да 3,5 млрд даляраў. Краіна ў найбліжэйшай будучыні збіраецца павялічыць пастаўкі экспарту яшчэ ў два разы — да сямі мільярдаў даляраў, перадае БелТА.

Больш за ўсё за мяжу прадаюць мяса-малочнай прадукцыі. Гэта каўбасныя вырабы, мясныя кансервы, сухое цэльнае малако, мука і льновалакно. Харчаванне пастаўляюць у 49 краін, выраслі аб’ёмы гандлю сельгаспрадукцыяй з бліжэйшымі дзяржавамі. Так, ва Украіну ў вялікіх колькасцях завозіцца мяса-малочная прадукцыя, экспартуецца ў асноўным бялок, сланечнікавы шрот і фуражнае збожжа для жывёлагадоўчай галіны (з пачатку 2011 года пастаўлена каля 40 тыс. тон кукурузы). Аб’ёмы імпартных завоз прадуктаў харчавання складаюць 15%, жыццёва важных прадуктаў — 5-10%.

Інтэгральны індэкс вытворчасці харчавання складае 1,86, індэкс спажывання прадуктаў на душу насельніцтва — 0,98. Спажыванне асноўных прадуктаў харчавання на аднаго чалавека за апошнія гады павялічылася да 3,2 тыс. ккал (узровень медыцынскіх нормаў).

Акрамя таго, адзначыў намеснік міністра сельгасхарчу, беларуская незалежнасць аграрнага сектару дасягаецца і шляхам развіцця тэхнікі і тэхналогій. Так, цяпер рэспубліка вырабляе больш за 80% відаў тэхнікі, якая складае сістэму сельскагаспадарчага машынабудавання. Асвоена вытворчасць магутных трактароў, камбайнаў, высокапрадукцыйных глебаапрацоўчых агрэгатаў.

Як ужо перадаваў Тэлеграф, з-за страху чарговага падаражэння ў некаторых гарадах насельніцтва Беларусі стала масава раскупляць некаторыя прадукты. Аляксандр Лукашэнка папрасіў насельніцтва не скупляць тавары, заявіўшы, што цэны «і так залімітавыя, ім ужо расці няма куды». У сваю чаргу намеснік прэм’ер-міністра Сяргей Румас паабяцаў, што будзе забяспечыць спажывецкі попыт на прадукты харчавання на ўнутраным рынку нават у шкоду экспарту.