Мінск зробіць справаздачу перад ААН аб захаванні правоў дзяцей

17.01.2011 08:57
Архив Редакция

Прадстаўнікі Беларусі, Украіны, Афганістана, Даніі, Лаоскай Народна-Дэмакратычнай Рэспублікі, Новай Зеландыі і Сінгапуру дадуць справаздачу перад ААН аб захаванні заканадаўчых і адміністрацыйных мераў, накіраваных на абарону дзяцей. Аб гэтым паведамляецца на сайце Арганізацыі Аб'яднаных Нацый.

Прадстаўнікі гэтых краінаў выступяць з дакладам аб захаванні Канвенцыі аб правах дзіцяці ў Жэневе ў перыяд з 17 студзеня па 4 лютага, дзе будзе праходзіць чарговая сэсія Камітэту ААН па правах дзіцяці.

Камітэт ААН па правах дзіцяці складаецца з 18 экспертаў. Ён створаны для назірання за выкананнем патрабаванняў міжнароднай Канвенцыі аб правах дзіцяці, прынятай Генеральнай Асамблеяй ААН у 1989 годзе і ўступіла ў сілу ў 1990 годзе. Яе ўдзельнікі перыядычна даюць справаздачу перад Камітэтам аб выкананні патрабаванняў гэтага міжнародна-прававога дакументу, перадае Korrespondent.net.

У 2000 годзе былі прынятыя два факультатыўныя пратаколы да Канвенцыі аб правах дзіцяці — адносна ўдзелу дзяцей ва ўзброеных канфліктах і гандлю дзецьмі, дзіцячай прастытуцыі і дзіцячай парнаграфіі. Камітэту даручана весці назіранне за выкананнем гэтых новых міжнародна-прававых дакументаў.

На цяперашняй сэсіі Беларусь і Мексіка таксама дакладуць камітэту аб тым, як яны дамагаюцца выканання двух гэтых факультатыўных пратаколаў.