У Мінску за апошнія гады збанкрутавалі дзве аўташколы, а на мяжы банкруцтва знаходзіцца яшчэ адна. Прычынай гэтага з'яўляецца зніжэнне колькасці курсантаў, заявіў дырэктар Рэспубліканскай асацыяцыі навучальных арганізацый па падрыхтоўцы кіроўцаў транспартных сродкаў Андрэй Максімаў.
Па словах Андрэя Максімава, падобная сітуацыя назіраецца па ўсёй краіне. «У сярэднім курсантаў стала на 20% менш у параўнанні з 2009 годам», — адзначыў спецыяліст, паведамляе агенцтва «Мінск-Навіны».
Андрэй Максімаў звязвае гэта з павышаным па рэспубліцы попытам на дадзеныя паслугі ў папярэднія гады. Яшчэ адной прычынай можна назваць водпуск коштаў на навучанне, што выклікала іх рост.
Цяпер аўташколы падаюць курсантам права аплаціць сваё навучанне ў растэрміноўку, аднак дадзенае новаўвядзенне істотна сітуацыю не змяніла.
