Міністэрства аховы здароўя Беларусі прапанавала вытворцам лекаў падпісаць новы мемарандум аб стрымліванні коштаў, які будзе дзейнічаць да канца 2011 года. Папярэдняя падобная дамова дзейнічала на працягу года і была падпісана 65 вытворцамі.
Міністэрства аховы здароўя разлічвае, што новую дамову падпішуць больш як 80 вытворцаў, перадае «Комсомольская правда в Белоруссии». Умовы мемарандуму такія: вытворцы лекаў замарозяць на два гады кошты ў валюце — далярах ці еўра. А калі паўстане неабходнасць павялічыць кошты — будуць дасылаць міністэрству абгрунтаванне такога кроку.
«Мы ў сваю чаргу гатовыя не павялічваць кошт на рэгістрацыю лекавых сродкаў, гатовыя разгледзець і іншыя прапановы, адзін з варыянтаў — адмена ўвазной мытнай пошліны на лекі», — заявіў міністр аховы здароўя Беларусі Васіль Жарко на сустрэчы з вытворцамі.
Па словах кіраўніка міністэрства, кошты на лекі выраслі за год да 40%, хаця даляр змяніўся менш. Астатняепавышэнне звязана са зменамі адпускнога кошту заводу-вытворцы.
«Асобны тэкст мемарандуму — для айчынных вытворцаў. Мы не даем, так бы мовіць, дабро на павышэнне коштаў і айчынным вытворцам, — паведаміў Васіль Жарко. — Наступную нараду правядзем у чэрвені з кіраўніцтвам аптэк усіх формаў уласнасці. Мы хочам звярнуцца да іх, каб яны ўжывалі мінімальную ці сярэднюю гандлёвую нацэнку, якая дазваляе стрымліваць адпускныя кошты на лекі».
Как вам новость?
Головоломки
Выбор читателей