19.04.2011 12:41
Архив

Міністэрства сувязі Беларусі выступіла супраць выключэння ІТ-прадукцыі са спісу імпартных тавараў, на якія распаўсюджваюцца абмежаванні Нацыянальнага банка і ўрада рэспублікі. Так, Нацбанк і Саўмін 25 лютага пастанавілі аплочваць імпартныя кантракты на суму больш за 50 тыс. еўра выключна за кошт атрыманай ад экспарту валюты.

Спіс тавараў, якіх тычыцца дадзенае рашэнне, налічвае каля 160 кодаў таварнай наменклатуры знешнеэканамічнай дзейнасці. Сюды ўваходзіць і ІТ-прадукцыя, уключаючы бытавую тэхніку. Як ужо перадаваў Тэлеграф, прынятая пастанова пад нумарам 240/5 будзе дзейнічаць да 1 сакавіка 2012 года.

Асацыяцыя ІТ-кампаній (АКІТ) накіравала ў дзяржорганы кіравання прапанову выключыць з дадзенага спісу ІТ-прадукцыю, растлумачыўшы, што ў краіне можа пачацца хуткі дэфіцыт тавараў, што не вырабляюцца ў Беларусі, рост коштаў на іх, актывізацыя падпольнага рынку «і іншыя негатыўныя наступствы», піша АФН.

Так, кампанія Samsung ужо спыніла пастаўляць у Беларусь сваю прадукцыю і прапанавала ўладам адмяніць дзеянне пастановы на прадукты ІТ сектару.

Нацбанк выступіў супраць уласнай пастановы

Адказы на дадзены ліст розных міністэрстваў паказалі, што ўлады могуць пайсці на саступкі і адмяніць дзеянне пастановы ў дачыненні да ІТ-прадукцыі, а цяпер яны маюць намер узгадніць пазіцыю па дадзеным пытанні паміж сабой. Аднак кошты ў нацвалюце на гэтыя тавары рэзка вырастуць праз сітуацыі на валютным рынку.

«Нацбанк падтрымлівае прапанову АКІТ аб выключэнні з дадатку да пастановы тавараў ІТ-сектару», — пазначана ў лісце цэнтральнага банка. Акрамя таго, прапанову падтрымалі міністэрства па падатках і зборах і мінэканомікі. У Мінгарвыканкаме ж заявілі, што мінская мэрыя не разглядае такія пытанні. Кіраўніцтва Парку высокіх тэхналогій у сваю чаргу заявіла, што арганізацыі не перашкаджаюць абмежаванні па імпарце.

У ПВТ дастаткова сродкаў на куплю камп’ютараў

«Кампаніі-рэзідэнты ПВТ ажыццяўляюць набыццё камп’ютарнага абсталявання (…) за кошт наяўнай ў іх распараджэнні выручкі ў замежнай валюце, атрыманай ад экспарту камп’ютарных праграм і паслуг па іх распрацоўцы. Доля імпартных закупак тэхнікі ў Парку высокіх тэхналогій, у тым ліку з улікам інвестыцыйнага імпарту, складае менш як 2% ад экспарту», — паведаміла намеснік дырэктара адміністрацыі ПВТ Інэса Канцавая.

Супраць адмены абмежаванняў выступіла таксама міністэрства сувязі. «Мінсувязі лічыць, што (…) пастанова № 240/5 (…) будзе спрыяць павышэнню эфектыўнасці інвестыцыйных праектаў з пункту гледжання іх экспартаарыентаванасці і валютаакупальнасці, а таксама стварэнню нерэзідэнтамі сумесных прадпрыемстваў па вытворчасці імпартазамяшчальнай прадукцыі», — заявіў намеснік міністра Сяргей Несцяровіч.

Аднак на практыцы імпартазамяшчэння не адбываецца. Напрыклад, мадэмы ADSL, якія выпускае прадпрыемства «Прамсувязь», па замове Беларусі збірае кітайская кампанія ZTE, беларуская ж арганізацыя вырабляе толькі ўпакоўку і інструкцыю на расійскай мове.

Следите за новостями так, как вам удобно:

Подпишитесь на новостную ленту Telegraf.by в удобном для вас сервисе и ничего не пропускайте!

Дзен Новости Google Новости Telegram Facebook VK.com OK.ru Пульс