Сёння, 13 красавіка, міністр унутраных спраў Беларусі Анатоль Куляшоў заявіў, што затрыманых па справе аб тэракце ў мінскім метро трое і ўсе яны прызналі сваю віну. "Усе трое — беларусы", — адзначыў Куляшоў, не ўдакладніўшы ўзрост затрыманых. Паводле яго слоў, МУС сабрала дастаткова ўлік для доказу іх віны. "У цяперашні час усе сабраныя дадзеныя аналізуюцца і сістэматызуюцца", — сказаў міністр.
Куляшоў таксама паведаміў, што адзін з затрыманых датычны да выбуху ў Мінску ў 2008 і Віцебску ў 2005 гадах. «У дачыненні да аднаго з затрыманых ёсць інфармацыя аб яго дачыненні да выбухаў у верасні-кастрычніку 2005 года ў Віцебску і 3 ліпеня 2008 года», — сказаў міністр, перадае БелТА.
Паводле яго слоў, у затрыманні падазраваных ўвечары ў аўторак ўдзельнічалі супрацоўнікі Галоўнага ўпраўлення па барацьбе з арганізаванай злачыннасцю і карупцыяй МУС, а таксама спецпадраздзялення міліцыі «Алмаз».
Раней крыніца ў праваахоўных органах паведаміла, што падазраваны, які прызнаўся ў здзяйсненні выбуху ў мінскім метро і яшчэ двух тэрактах, назваў матывам сваіх дзеянняў тое, што яму «падабалася ўчыняць людзям пакуты».
Крыніца паведаміла, што псіхіятры пасля гутаркі з падазраваным параўналі яго з Ганібалам Лектарам (маньякам з фільма «Маўчанне ягнятаў»).
Юрыдычную дапамогу пацярпелым у выніку ў Мінску акажуць бясплатна
Акрамя таго, у міністэрстве юстыцыі Беларусі паведамілі, што юрыдычную дапамогу пацярпелым у выніку выбуху ў Мінску акажуць бясплатна. Дадзенае рашэнне прынята на падставе загаду мінюста ад 12 красавіка 2011 года на падставе закона Беларусі ад 3 студзеня 2002 года «Аб барацьбе з тэрарызмам».
Прэзідыуму Мінскай гарадской калегіі адвакатаў і Прэзідыуму Мінскай абласной калегіі адвакатаў даручана забяспечыць аказанне прававой дапамогі асобам, пацярпелым у выніку выбуху, за кошт сродкаў названых калегій адвакатаў.
У сувязі з тэрактам на допыты пачалі выклікаць анархістаў
У сувязі з тэрактам у мінскім метро 11 красавіка на допыты ў сілавыя структуры пачалі выклікаць актывістаў анархісцкага руху, паведамляе БелаПАН.
Па дадзеных юрыстаў, 12 красавіка на размову ў міліцыю быў выкліканы Ігар Багачык. Раней ён праходзіў па «справе анархістаў», звязанай з выбухам на тэрыторыі амбасады РФ у Беларусі ў 2010 годзе і нападзе на офіс ФПБ, але абвінавачванні з яго былі зняты. Багачык быў выкліканы ў міліцыю раніцой пасля выбуху ў метро.
