Беларусі не перашкаджала б дэвальваваць валюту для вырашэння праблемы непад'ёмнага дэфіцыту аплатнага балансу ў выніку залішне мяккай эканамічнай палітыкі. Пра гэта заявіў кіраўнік беларускай місіі Міжнароднага валютнага фонду Крыс Джарвіс. Па словах эксперта, альтэрнатывай мог бы стаць рэжым жорсткай эканоміі, рэзкае скарачэнне бюджэтнага дэфіцыту і павышэнне працэнтных ставак.
«Мы думаем, дэвальвацыя — гэта добрая ідэя», — сказаў Джарвіс у інтэрв’ю Reuters.
Пры гэтым кіраўнік беларускай місіі МВФ зазначыў, што «дэвальвацыя — не адзіны варыянт выправіць сітуацыю ў Беларусі». «Альтэрнатывай магло б стаць узмацненне жорсткасці бюджэтнай і грашова-крэдытнай палітыкі і ўтаймаванне росту заробкаў», — сказаў Джарвіс, даючы зразумець, што МВФ падтрымае і той і іншы варыянт, але яшчэ лепш — абодва адначасова.
Па словах Крыса Джарвіса, пакуль што ў беларускіх уладаў ёсць выбар паміж двума варыянтамі. «Абмежаванні на валютным рынку не ліквідуюць фундаментальную праблему мяккай эканамічнай палітыкі і могуць нават пагоршыць праблему… Час сыходзіць», — папярэдзіў прадстаўнік МВФ.