Міжнародныя рэзервовыя актывы Беларусі, разлічаныя па методыцы Міжнароднага валютнага фонду, скараціліся за 2010 год на 11% да 5,03 млрд. даляраў. Пры гэтым у снежні яны скараціліся на 11,8%, паведамілі ва ўпраўленні інфармацыі Нацыянальнага банка.
Па дадзеных Нацбанка, міжнародныя рэзервовыя актывы Беларусі ў нацыянальным вызначэнні павялічыліся за мінулы год на 2,9% да 6,15 млрд. даляраў, перадае БелТА.
У структуры міжнародных рэзерваў Беларусі на 1 студзеня найбольшую ўдзельную вагу займалі рэзервовыя актывы ў замежнай валюце (2,82 млрд. даляраў, або 46%) і каштоўныя металы і камяні (1,8 млрд. даляраў, або 29,3%).
За 2009 год актывы ў замежнай валюце павялічыліся на 11,8%, аб’ём каштоўных металаў і камянёў — на 58,7%. Іншыя актывы складаюць 1,52 млрд. даляраў, або 24,7%. У 2010 годзе яны скараціліся на 34%.
