Прэтэндэнт на пасаду прэзідэнта Алесь Міхалевіч лічыць, што беларусам падабаецца існая палітычная сістэма. «Для мяне важна данесці людзям, што я прапаную паляпшэнне ўзроўню жыцця без ломкі сістэмы, — заявіў палітык і дадаў, што не прылічае сябе ні да ўлады, ні да апазіцыі. — Я не прадстаўляю ні ўладу, ні апазіцыю. Як, дарэчы, і не крытыкую».
На думку патэнцыйнага кандыдата ў прэзідэнты, пытаннем нацыянальных сімвалаў (бел-чырвона-белы сцяг і герб Пагоня) не павінен займацца кіраўнік дзяржавы. «Зразумела, што я прызнаю гэтыя сімвалы як нацыянальныя. Я вырас з гэтым сцягам і гербам. Маё меркаванне, што гэтым пытаннем не павінен займацца прэзідэнт. Гэтае пытанне павінен абмяркоўвацца парламентам. Нам трэба прывыкнуць, што кіраўнік дзяржавы мае выканаўчую функцыю», — адзначыў палітык, перадае «n#####n».
Алесь Міхалевіч абяцаў у выпадку прыходу да ўлады падпісаць указ, які дае гарантыі дзейнаму прэзідэнту Беларусі Аляксандру Лукашэнку. «Гэта, перш за ўсё, тычыцца не гарантый, а прававога становішча прэзідэнта. Якім яно будзе — залежыць ад сітуацыі. У нас ніколі не было былых прэзідэнтаў, таму і статус іх усё яшчэ не вызначаны», — растлумачыў палітык.
Міхалевіч: мяне не «чапляюць» параўнанні з Гайдукевічам
Па словах прэтэндэнта на пасаду прэзідэнта, яго «не чапляюць» абвінавачваннях у тым, што Алесь Міхалевіч прэтэндуе на ролю новага Сяргея Гайдукевіча (Старшыня Ліберальна-дэмакратычнай партыі — Тэлеграф). «Спакойна стаўлюся да навешвання цэтлікаў. Мне хутчэй падабаецца перакручванне маіх слоў. Калі я кажу, што ў мае прыярытэты не ўваходзіць уступленне ў Еўрасаюз, то гэта не значыць, што я гэтага не хачу. Гэта азначае, што на дадзеным этапе зрабіць гэта проста нерэальна, таму гэтага і няма ў прыярытэтах», — адзначыў Алесь Міхалевіч.
Па словах палітыка, у яго ёсць дзве праграмы дзеянняў на будучых выбарах. «Праграма-максімум — перамагчы. Я разумею, што на дадзены момант шанцы маленькія. Але з набліжэннем выбараў яны будуць павялічвацца. Праграма-мінімум — заручыцца падтрымкай у самых розных пластах насельніцтва», — сказаў Алесь Міхалевіч.
