Міністэрства замежных спраў Беларусі ўспрыняла прыняцце Еўрапарламентам рэзалюцыі па Беларусі з шкадаваннем. "Абвінавачванні і патрабаванні, якія змяшчаюцца ў дакуменце, з'яўляюцца беспадстаўнымі. Яны адкрыта супярэчаць інтарэсам канструктыўнага дыялогу Мінску і Брусэля", — заявіў 20 студзеня прэс-сакратар МЗС Андрэй Савіных.
У МЗС таксама паведамілі, што больш падрабязна па дадзеным пытанні пазней выкажуцца парламентарыі Нацыянальнага сходу Беларусі.
Як раней перадаваў Тэлеграф, у чацвер, 20 студзеня, дэпутаты Еўрапарламенту прынялі рэзалюцыю, у якой заклікалі краіны ЕС неадкладна ўвесці санкцыі супраць кіраўніцтва Беларусі. Дакумент заклікае Раду ЕС, у прыватнасці, увесці забарону на выдачу візаў і замарозіць актывы ў краінах ЕС беларускіх кіраўнікоў вышэйшага звяна, чыноўнікаў, супрацоўнікаў судовых органаў і органаў бяспекі.
Як гаворыцца ў рэзалюцыі Еўрапарламенту, «санкцыі будуць заставацца ў сіле да тых часоў, пакуль беларускія ўлады не вызваляць усіх палітычных зняволеных і прадстаўнікоў апазіцыі і не здымуць з іх абвінавачванні».
МЗС Беларусі раней, чым выказаць афіцыйную пазіцыю краіны з нагоды дадзенай рэзалюцыі, прыняў рашэнне «ўважліва прааналізаваць заявы усіх бакоў». У той жа час прэзідэнт Беларусі Аляксандр Лукашэнка 20 студзеня даручыў падрыхтаваць меры ў адказ, «нават да самых жорсткіх», на магчымыя санкцыі ў дачыненні да афіцыйнага Мінску з боку заходніх краінаў.
