Міністэрства замежных спраў Беларусі адрэагавала на ўручаную МЗС Расіі беларускаму амбасадару ноту аб недапушчальнасці арганізацыі гульнёвых устаноў на тэрыторыі амбасады. У МЗС у чарговы раз падкрэслілі, што казіно ў амбасадзе Беларусі ў Маскве "няма і быць не можа, гэта адзіная рэальнасць". Пра гэта гаворыцца ў афіцыйным каментары начальніка ўпраўлення інфармацыі МЗС РБ Андрэя Савіных.
«Для таго, каб наглядна прадэманстраваць гэта, журналістам паказалі памяшканні, на якія сама газета «Весці» ўказала як на гульнёвую зону. Акрамя гэтага прадстаўнікам СМІ была прадстаўлена магчымасць зайсці ў любыя іншыя памяшканні па іх выбару. Такім чынам, прэтэнзіі журналіста на далікатнасць, на якую ён вельмі непераканаўча прэтэндуе ў артыкуле, на справе абяртаюцца хітрыкамі, некарэктнасцю і нежаданнем прызнаваць відавочнае», — заявіў афіцыйны прадстаўнік беларускага знешнепалітычнага ведамства.
«Нота МЗС Расіі змяшчае заклапочанасці, звязаныя з гісторыяй, якую раздзімаюць асобныя расійскія СМІ. Мы поўнасцю адкрыты для ўзаемадзеяння з нашымі калегамі і гатовыя на любыя меры, якія будуць спрыяць ліквідацыі гэтых чутак», — падкрэсліў Андрэй Савіных.
МЗС Расіі ўручыў ноту амбасадару Беларусі з-за нелегальнага казіно ў амбасадзе
У панядзелак, 18 красавіка, беларускага амбасадара выклікалі ў міністэрства замежных спраў Расіі і ўручылі ноту пратэсту, у якой гаворыцца аб недапушчальнасці размяшчэння на тэрыторыі беларускай амбасады гульнёвай установы. «Па наяўнай у міністэрстве інфармацыі, на тэрыторыі амбасады пэўны час незаконна функцыянавалі гульнёвыя ўстановы», — гаворыцца ў ноце пратэсту.
«Расійскі бок лічыць неабходным звярнуць увагу беларускага боку на недапушчальнасць падобнага роду дзейнасці, якая супярэчыць палажэнням згаданай Венскай канвенцыі», — цытуе дакумент расійская газета «Весці».
Аналагічную ноту расійскі МЗС уручыў таксама паслу Паўночнай Карэі. «У МЗС Расіі паступіла інфармацыя, якая сведчыць аб тым, што на тэрыторыі амбасады КНДР у Маскве дзейнічае Гульнёвая ўстанова — казіно.
Міністэрства замежных спраў настойліва патрабуе неадкладнага закрыцця казіно і недапушчэння пасольствам надалей падобных парушэнняў расійскага заканадаўства, двухбаковых пагадненняў і нормаў міжнароднага права», — гаворыцца ў ноце пратэсту.
Як раней перадаваў Тэлеграф, у МЗС Беларусі інфармацыю аб нелегальнай гульнёвай установе ў беларускім пасольстве назвалі «фальшыўкай». Дыпмісія КНДР у Маскве ў сваю чаргу таксама абвергла інфармацыю аб нелегальным казіно на тэрыторыі амбасады.
Кіраўнік беларускага дыпведамства ў Маскве Васіль Даўгалёў запрасіў журналістаў наведаць амбасаду. Аднак, па сцвярджэнні расійскіх журналістаў, прадстаўнікам СМІ паказалі не тую частку будынка амбасады, дзе, як мяркуецца, размяшчалася гульнёвая ўстанова, а толькі «вялікую залу, у якой з настольных гульняў былі толькі шахматы, і невялікі пакойчык, застаўлены скрынкамі з сокамі і згорнутымі дыванамі».
Між тым, паводле Венскай канвенцыі аб дыпламатычных зносінах 1961 года, дыпламатычным місіям забаронена выкарыстоўваць амбасаду ў мэтах, якія несумяшчаюцца з функцыямі прадстаўніцтва, нормамі міжнароднага права і спецыяльнымі пагадненнямі паміж акрэдытуючай дзяржавай і дзяржавай знаходжання.
